Það er ekki sjálfgefið að íslenskur gæðingur sé með lélegt fet og hægt stökk. Þetta er fyrst og fremst spurning um rétta tamningu og þjálfun,“ segir Magnús Lárursson tamningamaður og reiðkennari. „Ég er ekki sammála því að við eigum að markaðssetja ranga tamningu.“

„Íslenski alhliða gæðingurinn er á undanhaldi. Stóðhestar sem náð hafa frábærum árangri í gæðingakeppni seljast ekki ef þeir henta ekki í íþróttakeppni. Þetta er að mínu mati umhugsunarefni fyrir íslenska hestamenn og hrossaræktendur,“ segir Sigurður Ragnarsson.

Sjötíu þátttakendur eru í hópi „eldri“ reiðmanna á námskeiði í knapamerkjakerfinu hjá Fáki. Jón Finnur Hansson, framkvæmdastjóri Fáks, segir að sjaldan eða aldrei hafi verið meiri þátttaka í reiðnámskeiðum en í vetur.

Þrír aðilar fengu úthlutað 7 milljónum króna úr Stofnverndarsjóði fyrir árið 2009. Til ráðstöfunar voru 6.972.612 krónur. Tveimur umsóknum var hafnað. Tveir starfsmenn á Hvanneyri fá 3 milljónir hvor til rannsókna. Þeir fengur einnig styrk á síðasta ári.

Óli Pétur Gunnarsson, áður í Litlu-Sandvík, örmerkir alla sína hnakka. Hann segir þetta bestu leiðina til að geta sannað eignarhald sitt ef upp koma álitamál. Mjög einfalt sé að koma örmerkjunum þannig fyrir að ekki sé hægt að ná þeim burtu nema skemma hnakkana.

Þjófar láta nú greipar sópa í hesthúsum á höfuðborgarsvæðinu. Lögreglan hefur varað við innbrotunum og telur að brotist hafi verið inn í allt að 50 hesthús. Hnakkar eru það sem þjófarnir ágirnast mest.

Úrval – Útsýn verður með ferð á Heimsmeistaramót íslenska hestsins í ágúst í Sviss ef tilskilinn fjöldi bókast í ferðina. Boðið er upp á vikuferð og gist á mjög góðu hóteli. Flogið er út á þriðjudeginum 4.ágúst og komið heim viku síðar.

Hestamannafélagið Sörli stóð fyrir skyndihjálparnámskeiði núverið. Fulltrúar frá Rauða krossinum á Íslandi voru leiðbeinendur á námskeiðinu. Er þetta lofsvert framtak sem öll hestamannafélög ættu að taka sér til fyrirmyndar.

Halldór Guðjónsson var samþykktur í dag í lið Lýsis í Meistaradeild VÍS, en stjórn Meistaradeildar í hestaíþróttum kom saman í dag og tók fyrir tilnefningu liðsins. Halldór mun koma inní lið Lýsis í stað Sigríðar Pjetursdóttur sem gaf sæti sitt eftir í deildinni. Það er sannarlega missir af Sigríði úr deildinni, en Halldór mun án ef koma sterkur inn.

Hinn aldni stóðhestur og höfðingi, Kjarkur frá Egilsstaðabæ er á leið til Svíþjóðar. Hann verður tuttugu vetra í vor. Kaupendur eru þrír Svíar í samstarfi við Guðmund Baldvinsson, tamingamann. Kjarkur var heilbrigðisskoðaður í desember síðastliðnum og var að sögn stálsleginn, eins og þriggja vetra foli.