Landssamband hestamannafélaga

Norðurlandamótið í hestaíþróttum fer fram dagana 8.-11. ágúst í Herning í Danmörku. Þar munum við fá að sjá bestu hesta Norðurlandanna keppa í íþrótta og gæðingakeppni. Keppnissvæðið í Herning er marglofað og er ekki við öðru að búast en að þar muni hver stórsýningin reka aðra.

Á mótinu munum við sjá alla sterkustu hesta Norðurlandanna koma saman en mikill hugur eru í nágrönnum okkar á Norðurlöndunum og mun mótið gefa tóninn fyrir komandi heimsmeistaramót í Sviss á næsta ári.

Á svæðinu verður spennandi markaðstorg, veitingasölur, leikvöllur fyrir börn auk þess sem á dagskráin eru fræðsluerindi, tónlistar atriði og fleira. Miðasala er í fullum gangni. Miðinn veitir aðgang að öllu svæðinu fyrir utan hesthúsin. Umhverfi mótsins er með besta móti og stutt í ýmsa þjónustu þar með talið Legoland og Lalandia.