Menntanefnd FEIF og Sportnefnd FEIF standa fyrir fyrstu sameiginlegu ráðstefnu sinni 10.-11.mars 2010 in Wurz, Suður-Þýskalandi. Þema ráðstefnunnar er yfirlína hesta og mun hinn þekkti Dr. Gerd Heuschmann halda fyrirlestra og sýnikennslu auk fleiri aðila, þar sem m.a. eftirfarandi atriði verða í skoðuð:

Sunnudaginn 7. mars nk. kl. 13 verður boðið upp á nýstárlegan og mjög svo áhugaverðan viðburð í Rangárhöllinni  á Hellu. Um er að ræða samsetta kennslusýningu undir nafninu „Hestanálgun“ þar sem að koma nokkrir kennarar og sýnendur og fjallað verður um allt ferlið:  Meðhöndlun, tamningu og þjálfun hestsins frá fyrstu snertingu að fullmótuðum hesti á keppnisbraut.

Félag tamningamanna, í samstarfi við Félag hrossabænda, stendur fyrir fræðslukvöldi í félagsheimili Skugga í Borgarnesi nk. föstudagskvöld, 5. mars kl. 19. Þar mun hinn heimsþekkti knapi og þjálfari Rúna Einarsdóttir - Zingsheim, sem búsett er í Þýskalandi, flytja fyrirlestur um þjálfun hrossa, m.a. með tilliti til mismunandi áherslna á milli Íslands og meginlands Evrópu, auk þess sem hún mun svara fyrirspurnum gesta um hvaðeina er reiðmennsku og þjálfun varðar.

Þau 100 pláss sem í boði voru á ístöltsmótinu Svellkaldar konur ruku út á fyrsta degi og hefur skráningu nú verið lokað þar sem allt er orðið fullt og þó nokkur fjöldi á biðlista. Góð skráning er í alla flokka og hestakostur frábær.

Nú er komið að seinna samræmingarnámskeiði HÍDÍ sem haldið verðursunnudaginn 7. mars 2010  í Ölfushöllinni. Námskeiðið hefst stundvíslega kl 9.00 árdegis og stendur til Kl 17.00.

Skráning á Svellkaldar 2010 hófst í morgun og nú þegar eru 45 skráningar staðfestar! Aðeins 100 pláss eru í boði og því er um að gera að drífa sig í að skrá því hér gildir reglan "fyrstur kemur, fyrstur fær."

Hrossaræktarbúið á Grænhól í Ölfusi hlaut Landbúnaðarverðlaunin 2010 sem veitt voru á Landbúnaðarþingi Bændasamtaka Íslands. Það var Jón Bjarnason, sjávarútvegs- og landbúnaðarráðherra, sem afhenti Gunnari Arnarssyni og Kristbjörgu Eyvindsdóttur verðlaunin.

Ert þú kominn í keppnisgírinn ?? Eða langar þig að vita hvernig atvinnumenn undirbúa og þjálfa sína hesta fyrir keppni ?? Sigurbjörn Bárðarson mun heimsækja okkur í Sörla á Sörlastaði og vera með fyrilestur á miðvikudagskvöldið 3 mars. kl 19:00  þar sem hann fer yfir undirbúning og þjálfun með keppni í huga.

Aðalfundur Hestamannafélagsins Léttis, haldin í Top Reiter höllinni þriðjudaginn 23. febrúar, lýsir yfir fullum stuðningi við og fagnar ákvörðun stjórnar LH frá 29. desember s.l. um að hefja fyrst viðræður við Hestamannafélagið Fák í Reykjavík með það að markmiði að halda Landsmót Hestamanna á félagssvæði Fáks í Víðidal í Reykjavík 2012.

Búist er við mikilli stemmingu í Ölfushöllinni annað kvöld, en þá gefst einstakt tækifæri til að skella sér á Meistaradeild VÍS á laugardagskvöldi. Fremstu knapar landsins halda áfram baráttu sinni um stig í deildinni og verður engu til sparað, því þeir munu mæta til leiks með marga af flottustu tölturum landsins.