Fyrri umferð HM úrtöku verður á þriðjudaginn kemur. Á fimmtudaginn hefst svo Gullmótið og seinni umferð HM úrtökunnar. Mótið verður glæsilegt í alla staði og rétt að hvetja áhugasama til að koma og fylgjast með spennunni í úrökunni og öllum glæsihestunum sem etja kappi á Gullmótinu í Víðidalnum.

Nú er skráningum lokið fyrir Félagsmót Freyfaxa 2013, sem fram fer 8. og 9. júní. Mótið er jafnframt úrtaka fyrir Fjórðungsmót í Hornafirði sem fer fram nú bráðlega. Fljótt á litið er hestakostur góður og þáttaka afar góð á Austfirskan mælikvarða.

Endurmenntun Landbúnaðarháskóla Íslands kynnir námskeiðið: "Í þágu hestsins - Þjálfun hestsins verður að taka mið af líkamsbyggingu hans". Námskeiðið verður haldið á Hvanneyri 27.-28.júlí.

LH vill benda á að samkvæmt FIPO reglunum má ekki nota 300m völlinn þegar leggja skal á skeið í fimmgangi. Á úrtöku og Gullmóti verður farið eftir FIPO og fimmgangurinn verður því ALLUR riðinn á 250m vellinum og ekki leyfilegt að skeiðleggja á langhliðum lengri vallarins.

Þar sem Skýrr var að uppfæra kerfið hjá sér og Sportfengur fór úr sambandi er skráningafrestur framlengdur til Kl: 16:00 6 júní. Ekki missa af glæsilagasta móti ársins Gullmótinu og Úrtöku fyrir HM Berlín sem haldið er dagana 11 – 15 júní n.k á félagssvæði Fáks Víðidal.

HM ÍSLENSKA HESTSINS verður haldið í Berlín 4.-12. ágúst 2013. Úrval Útsýn er að sjálfsögðu með ferðir á þennan frábæra viðburð í heimsborginni Berlín. Fyrsta ferðin seldist upp á mettíma. Örfá sæti eru hins vegar laus í sambærilega ferð 6.-13.ágúst - þannig að fyrstur kemur fyrstur fær.

Hestamannafélagið Dreyri hélt sína árlegu gæðingakeppni laugardaginn 1. júní sl. Að þessu sinni var keppnin jafnframt úrtaka fyrir Fjórðungsmót Vesturlands, sem haldið verður að Kaldármelum dagana 3.-7. júlí.

Gullmótið mun framlengja skráningu til miðnættis 5.júní. Hestamannafélagið Sörli heldur punktamót miðvikudaginn 5.júní. Tækifæri til að ná sér í punkta fyrir Gullmótið og Íslandsmót.