Það er Gústaf Ásgeir Hinriksson á Naski frá Búlandi sem stendur efstur í fjórgangi ungmenna á Gullmótinu í dag. Önnur er Birgitta Bjarnadóttir á Bliku frá Hjallanesi og þriðja Edda Hrund Hinriksdóttir á Hæng frá Hæl.

Skráning reiðleiða í Kortasjá LH er alltaf í gangi og sífellt fjölgar kílótmetrunum sem reiðleiðirnar í Kortasjánni spanna. Nú eru alls um 9.025 km skráðir og nú síðast bættust við leiðir í suðurhluta Þingeyjarsveitar.

Gullmótið hefur gefið út nýja dagskrá seinni umferðar úrtöku og Gullmóts. Hér má sjá dagskrána og ráslista mótsins.

Góðir tímar náðust í skeiðgreinum í Víðidalnum í gær. Konráð Valur Sveinsson var fljótastur í 100m skeiðinu á Þórdísi frá Lækjarbotnum á tímanum 7,46, Teitur Árnason átti besta tíma ársins í 250m skeiði á Jökli frá Efri-Rauðalæk, 21,93 og var hann einnig fljótastur í 150m skeiðinu á Tuma frá Borgarhóli á 14,35 sek.

Hinrik Bragason og Smyrill frá Hrísum standa efstir eftir 1.umferð í tölti í HM úrtökunni í Víðidalnum. Annar er Viðar Ingólfsson á Vornótt frá Hólabrekku og þriðji Sigurbjörn Bárðarson á Jarli frá Mið-Fossum.

Kári Steinsson er efstur í tölti ungmenna í HM-úrtökunni með Tón frá Melkoti. Annar er Flosi Ólafsson á Möller frá Blesastöðum 1A og þriðji Ragnar Tómasson á Sleipni frá Árnanesi.

Nokkrir keppendur voru í gæðingaskeiði á HM úrtöku og var það Haukur Baldvinsson á höfðingjanum Fal frá Þingeyrum sem sigraði örugglega með einkunnina 8,33.

Viðar Ingólfsson var skráður með tvo hesta í fjórgang í HM úrtökunni. Hann endaði efstur á Hrannar frá Skyggni með 7,0 og í 2.-3. sæti á Björk frá Enni með 6,97 ásamt þeim Karen Líndal á Tý frá Þverá II.

Arna Ýr Guðnadóttir skaust í efsta sætið í fjórgangi ungmenna á Þrótti frá Fróni. Hún reið sína sýningu seinni partinn.

Fimmgangi er nú lokið í annari umferð hans í HM úrtökunni. Jakob Svavar Sigurðsson á Al frá Lundum er efstur, annar er Sigursteinn Sumarliðason á Skugga frá Hofi og þriðji Sigurður Vignir Matthíasson á Mætti frá Leirubakka. Arnar Bjarki er efstur í ungmennaflokknum, eins og í gær, á Arnari frá Blesastöðum.