Gæðingakeppni Léttis verður haldin 24.-25. júlí á Hlíðarholtsvelli, Lögmannshlíð. Nánar auglýst síðar.

Kynbótasýning verður haldin á Gaddstaðaflötum við Hellu vikuna 28. júní til 2. júlí. Eins og sjálfsagt flestir vita var sýningunni sem vera átti 31. maí til 14. júní frestað vegna hrossapestar þannig nú þegar hefur verið tekið við þó nokkrum skráningum á sýninguna.

Þriðjudaginn 15. júní 2010, samþykkti ríkisstjórnin aðgerðaráætlun sem felur í sér að Tilraunastöð Háskóla Íslands í meinafræði að Keldum eru tryggðar kr. 15.710.000 til sérstakrar rannsóknaráætlunar sem felst í að greina orsök sjúkdómsins; smitandi hósti í hrossum sem lagst hefur á íslenska hrossastofninn undanfarna mánuði, greina uppruna hans, kortleggja smitdreifingu og varpa ljósi á eðli sjúkdómsins og þætti sem hafa áhrif á alvarleika hans.

Stjórn LH og Keppnisnefnd LH hafa ákveðið, í ljósi aðstæðna, að fella niður lágmarkseinkunnir fyrir Íslandsmót fullorðinna 2010.

Tillaga að rannsóknaráætlun var samþykkt í morgun á ríkisstjórnarfundi. Tilraunastöð Háskóla Íslands í meinafræði að Keldum og matvælastofnun lögðu fram tillögu að rannsóknaráætlun vegna smitandi hósta í hrossum en kostnaður við áætlunina er u.þ.b. 19 milljónir.

Liðstjóri hefur valið tvo knapa til viðbótar í íslenska landsliðshópinn sem tekur þátt á NM2010. Þau Snorra Dal og ungmennið Hönnu Rún Ingibergsdóttur.

Stjórn hestamannafélagsins Hrings býður til fundar um búfjárhald í Dalvíkurbyggð. Fundurinn er opinn öllum sem málaflokkinn varða á einn eða annan hátt. Fundurinn verður haldinn að Rimum, þriðjudaginn 15.júní kl 20:00.

Páll Bragi Hólmarsson liðstjóri hefur valið  Kristján Magnússon og hryssuna Alda frá Trengereid til að keppa fyrir Íslands hönd á Norðurlandamótinu í Finnlandi.

Íslenska landsliðið fyrir NM2010 er farið að taka á sig mynd. Liðstjórinn Páll Bragi Hólmarsson hefur nú valið Denna Hauksson og Venus frá Hockbo.

Hestamannafélagið Kópur hefur til sölu happdrættismiða. Miðaverð er 1500 kr. Dregið verður 21.júní 2010. Áhugasamir geta haft samband í síma 869-3486 (Kristín Ásgeirsd.) 865-5427 (Jón Geir) ef þeir hafa hug á að kaupa miða. Glæsileg vinningaskrá.