Fréttir

Úrval-Útsýn býður til sölu ferðir á mjög góðu verði á World Tölt í Odense í febrúar n.k. Þeir eru með takmarkað magn miða á þennan frábæra viðburð.

FEIF sendir reglulega út fréttabréf í tölvupósti og það sem helst er að frétta af þeim vígstöðvum er það að danski knapinn Trine Risvang hlaut viðurkenningu sambandsins fyrir góða og prúða reiðmennsku.

Það var sannkölluð hátíðarstemning þegar Kvennakvöld Líflands var haldið á fimmtudagskvöldið var í verslun fyrirtækisins að Lynghálsi í Reykjavík. Lífland er einn stærsti samstarfsaðili LH og því skunduðu starfsmenn sambandsins og Landsmóts af stað til að kynna LM 2014 á Hellu næsta sumar, og bjóða einstök kjör á vikupassa inná mótið.

Frétt í síðustu viku gerði mann forviða. Það eru ekki nema þrjú ár síðan við þurftum að fresta landsmóti vegna “smitandi hósta” sem reyndi verulega á þolrif hestamanna og þeirra sem reka hestatengda starfsemi með alvarlegum afleiðingum upp á hundruð milljóna tjón, sem margir sjá ekki enn út úr, og ekki er vitað hvernig fer.

Vegna jarðarfarar verður skrifstofa LH lokuð frá kl. 12:00 á morgun, föstudaginn 29. nóvember.

ÍSÍ heldur fjármálaráðstefnu föstudaginn 29. nóvember næstkomandi milli kl. 13:00 og 16:00 í sal 1 í Laugardalshöll. Ráðstefnan mun fjalla um rekstrarumhverfi íþróttafélaga og íþróttahreyfingarinnar í heild sinni.

Eins og allir vita verður Landsmót á næsta ári á Gaddstaðaflötum við Hellu dagana 30.6 - 6.7.2014. Miðasala á mótið er komin í gang og einungis hægt að kaupa miða á www.landsmot.is. Sérstök forsala miða verður til og með 31.12.2013 en þá geta LH/BÍ félagar keypt vikupassann á aðeins 12.000 kr. Einstakt tilboð til áramóta!

Allar innsendar skýrslur frá æskulýðsdeildum hestamannafélaganna eru nú komnar inná vefinn okkar undir Æskulýðsmál, skýrslur 2013. Skýrslurnar eru frábærar heimildir um öflugt æskulýðsstarf innan félaganna og um að gera fyrir áhugasama að glugga í þeim.

Uppskeruhátíð LH fór fram á Broadway í gærkvöldi. Skagfirðingurinn og margfaldur heimsmeistari í tölti, Jóhann Rúnar Skúlason var valinn knapi ársins og er vel að þeim titli kominn eftir ógleymanlegan árangur í Berlín í sumar þar sem þeir Hnokki frá Fellskoti voru óumdeilanlegar stjörnur mótsins.