Fréttir

Fyrsta Íslandsmótið í Gæðingalist verður haldið í Samskipahöllinni í Spretti dagana 29.apríl – 1.maí 2025.  Á Landsþingi sl. haust var samþykkt að halda sérstakt Íslandsmót í gæðingalist í lok innanhússtímabils, eða fyrir 15.maí ár hvert. Þetta mót kemur því í stað þess að keppt sé í Gæðingalist á Íslandsmótum utanhúss. Íslandsmeistari verður krýndur í öllum flokkum.

Á dögunum var skrifað undir styrktarsamning milli Landsliðs Íslands í hestaíþróttum og Icelandair Cargo til tveggja ára. Þá var jafnframt staðfest að þeir hestar sem fara á HM muni fljúga út 28. Júlí nk. Landssamband hestamanna og Icelandair Cargo hafa átt góðu samstarfi að fagna um margra ára skeið þar sem félagið hefur séð um öruggan flutning hesta úr landi, sem eru á leið á Heimsmeistaramót.

Dagur Sigurðsson fyrrum landsliðsmaður og núverandi landsliðsþjálfari Krótatíska landsliðsins í handbolta hélt í dag frábæran fyrirlestur fyrir A landslið Íslands í hestaíþróttum. Hann sagði frá sinni vegferð, stórum og smáum sigrum og hvernig árangur er nátendur hugafari. Hann hvatti hópinn áfram og minnti þau á að framlag hvers þeirra hefði áhrif á heildar árangurinn. Virkilega góður inngangur að komandi tímabili keppnistímabili þar sem farmiði á HM í Sviss er í húfi.

Þann 1. apríl tók gildi breytingar á lögum, reglum og reglugerðum sem samþykkt var á Landsþing 2024 og FEIF þing 2025. Yfirlit yfir allar breytingar má sjá hér: yfirlit-yfir-breytingar-a-logum.pdf

Í tilefni af því að Sigurbjörn Bárðarson var tekin inn í heiðurshöll ÍSÍ var síðastliðinn laugardag, haldin glæsileg athöfn í Reiðhöllinni í Víðidal. Þar veitti Linda Björk Gunnlaugsdóttir formaður LH Sigurbirni glæsilegan heiðursgrip frá LH sem hannaður var af Inga í Sign sem virðingarvottur fyrir ómenntanlegt framlag hans til hestaíþrótta.

Mikilvægasti fjáröflunarviðburður landsliðsins, Allra sterkustu fer fram laugardaginn 19. apríl næstkomandi. Ekki missa af frábæru kvöldi með okkar allra sterkustu knöpum í frábærri stemningu í Samskipahöllinni. Dagskráin verður feyki skemmtileg en meðal annars munu landsliðsknapar keppa til úrslita í tölti, fjórgangi og fimmgangi. Þjóðþekktir knapar keppa í mjólkurtölti, stóðhestar og hryssur verða sýndar og U21 verður með glæsilegt sýningaratriði.

Sigurvilji, heimildamynd um Sigurbjörn Bárðarson afreksíþróttamann, hefur fengið frábærar viðtökur bíógesta um land allt en myndin hefur verið sýnd í Laugarásbíói, Bíóhúsinu á Selfossi, Króksbíói á Sauðárkróki og í Sambíóunum á Akureyri. Nú eru síðustu forvörð að sjá þessa áhrifaríku mynd á stóra tjaldinu áður en sýningum lýkur. Lokasýningar verða í Laugarásbíói á miðvikudag og sunnudag og í Bíóhúsinu á Selfossi á fimmtudag og sunnudag

Hekla Katharína Kristinsdóttir Landsliðsþjálfari U21 hefur ákveðið að bæta tveimur knöpum inní landsliðshópinn sinn. Það eru þær Eva Kærnested með hestinn Styrkur frá Skák og Sara Dís Snorradóttir með hestinn Kvist frá Reykjavöllum. Eva og Styrkur stefna á fjórgangsgreinar og Sara og Kvisur stefna á fimmgangsgreinar. Landsliðsþjálfari vill ítreka að hún heldur áfram að fylgjast vel með og hikar ekki við að bæta inn í landsliðshópinn keppnispörum sem líkleg eru til að styrkja liðið fyrir Heimsmeistaramótið í sumar sem haldið verður í Sviss.

Áhugamannamót Íslands 2025 verður haldið á félagssvæði Hestamannafélagsins Sörla í Hafnarfirði 20.-22. júní 2025.