Fréttir: 2021

Æskulýðsnefnd FEIF ásamt skipuleggjendum í Finnlandi hafa ákveðið að fresta FEIF youth camp í sumar fram til sumarsins 2022.

Heilbrigðisyfirvöld hafa gefið út hertar reglur um áhorfendur á íþróttaviðburðum. Kaflinn um áhorfendur í sóttvarnarreglum LH hefur verið uppfærður. Helstu breytingar eru að nú þarf að skrá áhorfendur í númeruð sæti. Mikil áhersla er lögð á að allir áhorfendur beri grímu sem hylur nef og munn en nokkuð hefur borið á að grímuskylda sé ekki virt meðal áhorfenda á íþróttaviðburðum.

Stjórn LH hefur óskað eftir því við mótsstjórnir Metamóts 2020 og Skeiðleika 2 2020 að þær meti hvort endurskoða skuli mótsskýrslur þessara móta í ljósi atvika sem áttu sér stað á þessum mótum þar sem keppnisreglur LH voru brotnar með því að sama keppnispar keppti í bæði 150m. og 250 m. skeiði.

Þau leiðu mistök urðu við útgáfu regluskjals um gæðingafimi LH að lítil villa slæddist inn í reglurnar.

Dómstóll ÍSÍ hefur kveðið upp dóm í máli Fredricu Fagerlund gegn Landssambandi hestamannafélaga.

Kristófer Darri Sigurðsson hefur sýnt eftirtektarverðan árangur nú í byrjun keppnistímabils á hesti sínum Ás frá Kirkjubæ. Kristófer og Ás eru sterkt keppnispar í fimmgangsgreinum og er hann boðinn velkominn í U21 árs landsliðshópinn.

Gæðingafiminefnd LH hélt prufumót í byrjun febrúar þar sem keppt var eftir nýjum reglum LH um gæðingafimi til að fá reynslu á reglurnar. Að móti loknu gerði nefndin breytingar á nokkrum atriðum.

Heimilt er að hafa allt að 200 áhorfendur í rými á íþróttaviðburðum að uppfylltum skilyrðum um grímunotkun, 1 meters fjarlægð ótengdra gesta, skáningu allra gesta með nafni, símanúmeri og kennitölu og að komið verði í veg fyrir frekari hópamyndanir í kringum viðburði eins og kostur er. Veitingasala er heimil.

Á síðasta ári var verkefninu Hæfileikamótun LH ýtt úr vör. Tilgangur verkefnisins er að efla uppbyggingu afreksstarfs hestaíþrótta og efla færni efnilegra knapa í unglingaflokki (14-17 ára) sem stefna á að ná árangri í hestaíþróttum.