Fréttir: Júní 2009

Opið hestaíþróttamót verður haldið á Vindheimamelum miðvikudaginn 24.júní  næstkomandi og hefst mótið kl: 17:00.  

Héraðsmót UMSE í hestaíþróttum verður haldið á Melgerðismelum 27. júní og hugsanlega 28. ef mikil þátttaka verður.

Þá eru dagskrá og ráslistar tilbúnir fyrir miðnæturmót Hrings.

Í tengslum við Fjórðungsmót 2009 verður boðið uppá fjöruferð um Löngufjörur, föstudagskvöldið 3. júlí.  Mæting í reiðina er föstudagskvöldið 3. júlí kl. 20:00 á Kaldármelum og kl. 21:00 á Snorrastöðum.

Nú styttist óðum í Fjórðungsmót á Kaldármelum, dagana  1. – 5. júlí.  Mikil stemning virðist ríkja í hestamannafélögunum sem þátt taka og raunar langt út fyrir raðir þeirra.  Hestamenn virðast ætla að fjölmenna á Kaldármela fyrstu vikuna í júlí. Endanleg dagskrá liggur nú fyrir á heimasíðu FM:  www.lhhestar.is/fm2009.  Þar er einnig að finna frekari upplýsingar fyrir þátttakendur og gesti.

Mjög góð skráning hefur verið á miðnæturmót Hrings sem haldið verður á Hringsholtsvelli þriðjudaginn 23.júní.

Rétt er að vekja athygli félagsmanna á því að nú hefur öllum skuldlausum félagsmönnum Hrossaræktarsamtaka Suðurlands verið sendur tölvupóstur. Þar er að finna leiðbeiningar um hvernig þeir sækja um félagsaðgang að Worldfeng en það verða allir að gera fyrir 1. júlí því annars lokast á þá.

Landsliðsnefnd minnir á að enn eru til sölu folatollar undir nokkra af albestu stóðhestum landsins.

Sunnudaginn 14.júní síðastliðinn fór fram íþróttamót Snæfellings á Kaldármelum.