Fréttir: Júní 2009

Þá er fyrstu grein lokið á Úrtökumótinu fyrir HM í Sviss. Daníel Jónsson á Tón frá Ólafsbergi leiðir keppni í fullorðinsflokki með einkunnina 7,00.

Níutíu og níu kynbótahross hafa unnið sér rétt til þátttöku á FM2009 á Kaldármelum. Eru það nokkuð fleiri hross en búist var við. Athygli vekur að sextíu og níu hross eru með fyrstu einkunn fyrir sköpulag, eða næstum sjö af hverjum tíu.

Þann 5.júní síðastliðinn kom saman til fundar ný stjórn Landsmóts ehf.

Stefán Friðgeirsson á Dalvík er skráður í HM úrtöku með Dag frá Strandarhöfði. Dagur, eða sá guli eins og Stefán kallar hann gjarnan, er 14 vetra. Hann hefur um árabil verið í fremstu röð fimmgangara og gæðinga og gæti hæglega gert usla í baráttunni um fimmgangssætið í landsliðinu.

Dreyramenn verða sterkir í B flokki á FM2009. Þrír efstu hestar fengur yfir 8,50 í einkunn í úrslitum á úrtökumóti Dreyra, sem haldið var í lok maí. Efstur var Kaspar frá Kommu, setinn af Jakobi Sigurðssyni. Kaspar fékk 8,61 í úrslitum og 8,46 í forkeppninni.

Nú er komin á tenging á milli SportFengs og Felix sem er það kerfi sem heldur utan um félagatöl allra hestamannafélaga eins og annarra íþróttafélaga.

Tryggvi Björnsson á Blönduósi kemur sterkur inn á FM2009 á Kaldármelum. Hann var með efstu hesta í A og B flokki gæðinga á úrtöku Þyts um helgina. Akkur frá Brautarholti var efstur í B flokki með 8,66 úrslitum, og Grásteinn frá Brekku efstur í A flokki með 8,49 í úrslitum.

Landsliðsnefnd LH vill vekja athygli á breyttum tímasetningum í dagskrá og smávægilegum breytingum á ráslista.

Gæðingamót Stíganda í Skagafirði var haldið á Vindheimamelum um helgina. Mótið var einnig úrtaka fyrir FM2009 á Vesturlandi og tóku Svaði á Hofsósi og Glæsir á Siglufirði þátt í henni. Góður árangur náðist í tölti og skeiði. Nokkrir þekktir gæðingar eru í FM sætum.