Fréttir: Júní 2009

Mótshaldarar Fjórðungsmóts hafa nú birt ráslista í öllum greinum á vefsíðu FM 2009. Smellið HÉR til að kynna ykkur keppnisröð knapa á Kaldármelum 1.-5. júlí nk. 

Úrslit úr forkeppni unglinga

Forkeppni í unglinga fjórgangi á Íslandsmóti lauk í dag. Efst er Rakel Natalie Kristinsdóttir á hestinum Vígari frá Skarði með einkunnina 7,3.  Á eftir henni er Arnar Bjarki Sigurðarson og hesturinn Blesi frá Laugarvatni með einkunnina 6,83 og þriðji er Oddur Ólafsson á Goða frá Hvoli með einkunnina 6,67.

Fyrsta degi Íslandsmóts barna, unglinga og ungmenna lauk í dag á félagssvæði hestamannafélagsins Harðar í Mosfellsbæ.  Keppt var í fjórgagni og eftir daginn er það Gústaf Ásgeir Hinriksson á Knörr frá Skörðugili sem leiðir fjórganginn í barnaflokki með einkunina 6,30. 

Mótshaldarar Fjórðungsmóts vilja minna þá knapa í tölti og skeiði sem enn hafa ekki greitt skráningargjöld að gera það hið fyrsta.  Skráningargjöld skulu lögð inn á reikning 0354 26 4506, kt. 450405-2050, vinsamlegast tilgreinið hross og knapa í skýringu við greiðslu.

Ræktunarbússýningar gefa stórmótum alltaf skemmtilegan blæ og á fjórðungsmóti munu átta bú koma fram og skarta sínu besta á laugardeginum kl. 16.

Að sögn mótshaldara er gistirými að fyllast í kringum Kaldármela en þeim sem ekki hyggjast nýta sér tjaldstæðin er bent á að leita til Markaðsskrifstofu Vesturlands sem veitir upplýsingar um gisti- og afþreyingarmöguleika í nágrenni Kaldármela:

,,Það virðist vera mikill áhugi á því að koma ríðandi á Fjórðungsmót“ segir Eyþór J. Gíslason, formaður framkvæmdanefndar FM 2009. ,,Ég hef haft spurnir af þó nokkuð mörgum hópum sem eru að koma ríðandi, bæði að sunnan og norðan úr landi".

Nýr og endanlegur ráslisti fyrir Íslandsmót yngri flokka sem haldið verður dagana 25. - 28.júní á félagssvæði hestamannafélagsins Harðar í Mosfellsbæ.