Fréttir: Júní 2009

Bongóblíða hefur verið á Kaldármelum í dag, degi áður en mótahald hefst.  Var haft á orði í hópi lykilstarfsmanna á svæðinu að vert væri að gefa frí vegna veðurs í dag!  Því var nú ekki að heilsa en svæðið er farið að taka á sig mótsblæ, fánarstangir, risaskjar og tjöld eru risin og fólk er byrjað að flykkjast á svæðið.    

Hestaþing Sindra 2009 var haldið dagana 27. og 28. júlí á Pétursey, mótssvæði hestamannafélagsins.

Miðvikudaginn 8. júlí verða þriðju Skeiðleikar af fjórum sem Skeiðfélagið stendur fyrir í ár.

Fjórðungsmótið á Kaldármelum verður haldið dagana 1. - 5. júlí. Fjöldi hesta og manna ætla að leggja leið sína á Kaldármela og stefnir allt í frábært Fjórðungsmót. Hér má sjá dagskrá og ráslista fyrir mótið. Allar upplýsingar er að finna á heimasíðu mótsins www.fm2009.lhhestar.is

Ljósmyndir frá Íslandsmóti barna 2009 á Varmárbökkum er komið í ljósmyndasafn lhhestar.is. Smellið á "MYNDASAFN" á síðunni hér til vinstri og finnið safnið þar. Góða skemmtun.

Ólöf Rún Guðmundsdóttir er Íslandsmeistari í fimmgangi unglinga á hryssunni Toppu frá Vatnsholti með einkunnina 6,55, það var svo Valdimar Bergstað sem vann sigur í fimmgang ungmenna á hestinum Oríon frá Lækjarbotnum og hlutu þeir einkunnina 7,19 í úrslitunum.

Valdimar Bergstað er Íslandsmeistari í tölti ungmenna á hesti sínum Leikni frá Vakurstöðum, hlutu þeir félagar einkunnina 7,94 í úrslitunum.

Rakel Natalie Kristinsdóttir er Íslandsmeistari í tölti unglinga á hestinum Vígari frá Skarði, hlutu þau einkunnina 8,06 í úrslitunum.

Róbert Bergmann er Íslandsmeistari í tölti barna á hryssunni Brynju frá Bakkakoti og hlutu þau einkunnina 7,22 í úrslitunum.