Fréttir: Nóvember 2009

Laugardaginn 21. nóvember n.k verður haldin folaldasýning í Rangárhöllinni á Hellu. Úrval bestu folalda undan gengina sýninga í Rangárvallasýslu etja þar kappi um glæsilega vinninga.

Helga Thoroddsen verður með almenna kynningu á Knapamerkjunum í Félagsheimili Hestamannafélagsins Skugga í Borgarnesi fimmtudaginn 19. nóvember kl.20.00.

Töluverð umræða hefur verið um að dagskrá Landsmóts undanfarin ár hafi verið of þéttskipuð.  Á opnum fundi um Landsmót sem haldinn var í október 2008, stuttu eftir að síðasta Landsmóti lauk, voru fundarmenn almennt sammála að létta þyrfti á dagskránni og gera þyrfti ráð fyrir fleiri hléum og þá sérstaklega með helgardagskránna í huga. 

Á Formannafundinum, sem haldin var þann 6. nóv. síðastliðinn, var mikið rætt um komandi Landsmót. Birgir Leó Ólafsson, formaður mannvirkjanefndar kynnti skýrslu nefndarinnar og greindi  frá úttektum á hugsanlegum Landsmótssvæðum.  Þær umsóknir sem til meðferðar eru fyrir Landsmót 2012 eru Fákur (Víðdalur) og Gaddstaðaflatir við Hellu og Landsmótsárið 2014 sækja fulltrúar Akureyrar, Gaddstaðaflata, Melgerðismela og Vindheimamela um.

Ákveðið hefur verið að hafa uppskeruhátíðina þann 5. Desember (frestast um hálfan mánuð miðað við það sem fyrirhugað var). Allir sjálfboðaliðar og þeir sem starfa í nefndum á vegum félagsins er boðið. Þeir sem fá ekki boðskort fyrir mánaðarmótin eru beðnir að senda okkur póst á fakur@simnet.is  eða hringja í síma 898-8445.

Nú fer hver að verða síðastur að tryggja sér útivistarfatnað á frábærum verðum á rýmingarsölu Líflands sem lýkur næstkomandi laugardag. Við bætum reglulega vörum á útsöluna svo að af nógu er að taka. Öll okkar flottustu vörumerki, Sonnenreiter, Georg Schumacher, Tattini og Mountain Horse.

Félag Tamningamanna í samstarfi við hestamannafélagið Skugga í Borgarnesi stóð fyrir sýnikennslu með Þórarni Eymundssyni tamningameistara FT í reiðhöllinni í Borgarnesi í gærkvöld, miðvikudaginn 11.nóv. Sýnikennslan var gríðarlega vel sótt en um 250 manns mættu í nýja og glæsilega reiðhöll Borgnesinga.

Annaðhvert ár er haldin Formannafundur þar sem formenn allra hestamannafélaga í landinu koma saman ásamt formanna nefnda LH og formönnum dómarafélaga LH. Á fundinum kynnir Landssamband hestamannafélaga starfsemi sína, nefndir skila inn skýrslum sínum og reikningar eru kynntir.

Minnum á haustfund HEÞ sem verður haldinn í Ljósvetningabúð 12. nóvember nk. kl. 20:30. Á fundinum verður valið ræktunarbú ársins á félagssvæðinu. Eftirtalin bú eru tilnefnd: