Fréttir: 2018

Skrúðreið hestamanna verður á laugardaginn kemur, þann 28. apríl kl. 12:30 í miðbæ Reykjavíkur. Skrúðreiðin vekur gríðarlega jákvæða eftirtekt í miðborginni og er mikil lyftistöng fyrir mannlífið þar.

Eins og margir vita á einn af góðum félagsmönnum Sörla, Róbert Veigar Ketel, við erfið veikindi að stríða, og til að styðja við bakið á honum og fjölskyldu hans verður haldið styrktarmót þann 2. maí á Sörlastöðum í Hafnarfirði. Áætlað er að mótið hefjist kl. 18:00.

Meistaradeild Líflands og æskunnar lauk með glæsibrag síðastliðið miðvikudagskvöld þar sem keppt var í gæðingafimi og flugskeiði í boði Límtré-Vírnets í TM-Reiðhöllinni í Fáki.

Lokamótið í Meistaradeild Líflands og æskunnar fer fram á morgun, miðvikudaginn 18. apríl, í TM Reiðhöllinni í Fáki. Þá verður keppt í gæðingafimi og flugskeiði í boði Límtré-Vírnets.

Dagana 28 júlí til 4 ágúst verður haldið alþjóðlegt æskulýðmót FEIF YouthCup í Axevalla Travbana í Svíðþjóð.

Hin árlega sýning Æskan og hesturinn verður haldin sunnudaginn 29. apríl næstkomandi í TM-Reiðhöllinni í Víðidal. Þar koma fram efnilegustu hestamenn landsins og sýna afrakstur vetrarstarfsins og er óhætt að segja að sýningin sé hápunktur vetrarstarfsins hjá hinum ungu knöpum.

Starfsemi lyfjaeftirlits á Íslandi var færð í sérstaka sjálfseignarstofnun í dag þegar Lilja Alfreðsdóttir, mennta- og menningarmálaráðherra, og Lárus Blöndal, forseti ÍSÍ, skrifuðu undir skipulagsskrá Lyfjaeftirlits Íslands.​

Hólaskóli ætlar að vera með sýnikennslu líkt og þau voru með 2016 og vakti gríðarlega lukku. Hefst sú sýning í Léttishöllinni kl. 15.00 á föstudeginum 20. apríl og er engin aðgangseyrir að þeirri sýningu. Miðasala á annars vegar, Fáka og fjör sem og Stóðhestaveisluna hefst á mánudaginn kemur í verslun Líflands á Akureyri.

Helgina 27.-29. apríl verður opið íþróttamót Hestamannafélagsins Mána haldið á Mánagrund í Reykjanesbæ. Boðið verður upp á flestar hefðbundnar greinar og flokka.