Fréttir: Mars 2010

Annað mótið í mótaröð Keiluhallarinnar og Gusts mun fara fram í reiðhöllinni í Glaðheimum í kvöld kl. 18:30. Mótinu var frestað sl. laugardag vegna veðurs og vallaraðstæðna og þar sem fjöldi viðburða um helgina kemur í veg fyrir að hægt sé að hafa mótið þá, hefur því verið komið á dagskrá í kvöld. Skráning fer fram í Helgukoti á milli kl. 17:30 og 18:00.

Næsta keppnisgrein í Meistaradeild VÍS er gæðingafimi. Keppnin verður á morgun fimmtudag í Ölfushöllinni og hefst keppni klukkan 19:30. Gæðingafimin er mikil áskorun fyrir knapana. Þar eru allir þættir dæmdir sérstaklega og síðan heildarútlit sýningarinnar.

Fjölskyldusýningin Æskan & hesturinn verður haldin í Reiðhöllinni í Víðidal um helgina, 13. og 14. mars. Tvær sýningar verða hvorn daginn, kl. 13:00 og kl. 16:00.

Kæri íþróttadómari! Vegna fjölda áskorana hefur stjórn HÍDÍ ákveðið að halda enn eitt samræmingarnámskeið mánudaginn 15.mars nk. kl. 17.00 stundvíslega í Íþróttamiðstöðinn í Laugardal. Vinsamlegast staðfestið þátttöku:   pjetur@pon.is

Í kvöld verður fundur í félagsheimili Fáks um málefni hrossaræktarinnar og hefst fundurinn kl. 20:30 Frummælendur verða Kristinn Guðnason formaður Félags hrossabænda og fagráðs í hrossarækt, Sigrún Ólafsdóttir formaður Félags tamningamanna og fulltrúi í fagráði í hrossarækt og Guðlaugur V. Antonsson, hrossaræktarráðunautur Bændasamtaka Íslands. Kynnt verða m.a. nýjar vægistölur í kynbótadómum og margt fleira fróðlegt. Nauðsynlegt er fyir þá sem hafa gaman af hrossarækt að fjölmenna og heyra í forystumönnum okkar hvað er að gerast og einnig að hafa áhrif á stefnumótun í hrossaræktarmálefnum. Fjölmennum. *Reiðhöllin:  Þar sem sýningin Æskan og hesturinn er um helgina verður Reiðhöllin lokuð töluvert í vikunni vegna æfinga. Þriðjudaginn 9. mars  er höllin lokuð frá kl. 15:00 - 22:00 Miðvikudaginn 10. mars er höllin lokuð frá 18:00 - 22:00 Fimmtudaginn 11. mars er höllin lokuð frá kl. 18:00 - 22:00 Föstudaginn 12. Mars er höllin lokuð frá kl. 20:00 - 21:00 Laugardag og sunnudag er höllin svo lokuð en þá er sýningin Æskan og hesturinn sem allir ættu að koma á. *Það verður ekki reiðkennari þá á miðvikudagskvöldið vegna æfinga fyrir æskan og hesturinn. Minnum á almennar umferðarreglur í Reiðhöllinni og taka tillit til annara sem eru að þjálfa. *Næsta Bikarmót verður á föstudagskvöldið í reiðhöllinni hjá Mánamönnum í Keflavik. Keppt verður í Smala, brokki og skeiði. Skemmtilegt mót sem gaman er að fara á . *Reiðtúr  verður nk. laugardag. Mæting við Reiðhöllina kl.14:00

Vegna fréttatilkynningar frá Stíganda,Léttfeta, Geysi og Sindra vill undirritaður koma eftirfarandi á framfæri. Að morgni fimmtudagsins 4. mars hafði formaður Stíganda í Skagafirði samband við  skrifstofu LH og bað um fund með stjórn LH fyrir félögin í Skagafirði. 

Ístöltsmót kvenna, "Svellkaldar konur" fer fram í Skautahöllinni í Laugardal á laugardaginn kemur 13. mars og hefst mótið kl. 17. Alger sprengja varð í skráningu á mótið og stefnir í hörkukeppni í öllum flokkum. Sigurvegari opna flokksins í fyrra, Lena Zielinski mun freista þess að verja titil sinn, en fær án efa hörkukeppni því flestar bestu reiðkonur landsins eru skráðar til leiks.

HÍDÍ hefur haldið tvö samræmingarnámskeið á undanförnum dögum.   Ýmsar breytingar voru kynntar dómurum um áherslur í dómstörfum og túlkunaratriði á reglum sem notaðar hafa verið.   Dómurum finnst áríðandi að þessar ábendingar skili sér til allra keppenda. Hjálagt fylgja helstu breytingarnar – en keppendur eru hvattir til að prenta út Leiðaran af heimasíðu LH www.lhhestar.is undir keppnismál – íþróttadómarar og kynna sér hann.  

Hestamannafélagið Fákur og Landssamband hestamannafélaga undirrituðu í dag samstarfssamning um að Landsmót hestamanna árið 2012 verði haldið á félagssvæði Hestamannafélagsins Fáks í Reykjavík.  Landsmót eru haldin á tveggja ára fresti og verður landsmót haldið  í Reykjavík dagana 24. júni til 1. júlí 2012 á 90 ára afmæli Hestamannafélagsins Fáks.