Fréttir: Febrúar 2010

Félag tamningamanna minnir á sýnikennsluna „Ung á uppleið“ sem fram fer í reiðhöllinni í Borgarnesi í kvöld, þriðjudaginn 9. febrúar kl. 20. Þar mun FT í samstarfi við unga og efnilega reiðkennara, þau Randi Holaker, Hauk Bjarnason og Heiðu Dís Fjeldsted sýna fjölbreytt vinnubrögð við þjálfun hrossa.

Samkvæmt mótaskrá Hrings er fyrirhugað að halda Ísmót um komamdi helgi. Vötn og ár eru ísilagðar og því kjöraðstæður til mótahalds. Í ár er áætað að mótið fari fram á Hrísatjörn, rétt sunnan Dalvíkur. Nánari upplýsingar varðandi mótið verða gefnar út á næstu dögum.

Samkvæmt mótaskrá Hrings er fyrirhugað að halda Ístölt um komamdi helgi. Vötn og ár eru ísilagðar og því kjör aðstæður til mótahalds. Í ár er áætað að mótið fari fram á Hrísatjörn, rétt sunnan Dalvíkur. Nánari upplýsingar varðandi mótið verða gefnar út í byrjun næstu viku.

Viljum minna á að KEA mótaröðin hefst í vikunni í Top Reiterhöllinni á Akureyri. KEA mótaröðin hefst klukkan 20.00 fimmtudaginn 11. febrúar á tölti.

Heimildamyndin Kraftur - síðasti spretturinn hefur hlotið tilnefningu til Eddu verðlauna í flokknum heimildamynd ársins 2010. Auk hennar eru tilnefndar Alfreð Elíasson og Loftleiðir, Draumalandið, Hrunið og Sólskinsdrengurinn.

Magnús Sigurðsson læknir og hestamaður færði Háskólanum á Hólum og Sögusetri íslenska hestsins veglega gjöf við athöfn í dag. Magnús sem komin er yfir áttrætt hefur í gegnum tíðina safnað orðum og orðatiltækjum sem tengjast hestum og hestamennsku.

Á föstudagskvöldið verður Grímutölt í Reiðhöllinni og hefst það kl. 20:30. Keppnisformið er hægt tölt og fegurðartölt. Keppt verður í tveimur aldursflokkum og tveimur styrkleikaflokkum innan hvers aldursflokks (ef næg þátttaka næst).

Félag tamningamanna mun í samstarfi við unga og efnilega reiðkennara standa fyrir sýnikennslu í reiðhöllinni í Borgarnesi þriðjudaginn 9.febrúar kl.20.

Þorsteinn „okkar“ Björnsson Reiðkennari á Hólum verður með reiðnámskeið í Top Reiter höllinni 12-14 febrúar. Tveir nemendur eru saman í hóp og fá þeir 5 kennslustundir. Kennt verður frá föstudagskvöldi til sunnudags. Verð er aðeins 12.500 kr. fyrir Léttisfélaga. Skráning og nánari upplýsingar eru hjá Friðrik í síma 896-5309 fyrir miðvikudaginn 10. febrúar.