Fréttir: Febrúar 2010

Undirbúningur Landsmóts 2010 er á fullu skriði enda að mörgu að huga þegar að svo viðamiklum viðburði kemur.  Eftir áralangt samstarf liggur Lífland ekki á liði sínu og í morgun var undirritaður samstarfssamningur á milli fyrirtækisins og Landsmóts.

Menntamatrixulistar FEIF er nú að finna á heimasíðu LH. Hér til vinstri á forsíðunni er flipi sem heitir Matrixa FEIF og þar er hægt skoða listana.

Næstkomandi fimmtudag hefst annað kvöldið af fjórum í KEA mótaröðinni í Top Reiterhöllinni á Akureyri. Keppt verður í fjórgangi og hefst keppnin klukkan 20:00 fimmtudaginn 25. febrúar. Húsið opnar kl. 19:30.

Æskulýðsnefnd LH minnir áhugasama á að skila inn umsóknum á Youth Cup sem verður haldið 10.- 18. júlí nk. Mótið er haldið í Kalo í Damörku.  Útvegaðir verða hestar ef óskað er. Skilyrði fyrir þátttöku: Reynsla í hestamennsku, enskukunnátta, keppnisreynsla í íþróttakeppni, sjálfstæði, geta unnið í hóp og reglusemi.

Nú er komið að fyrra samræmingarnámskeiði HÍDÍ sem haldið verðursunnudaginn  21. feb. 2010 norðan heiða í reiðhöllinni á Blönduósi. Námskeiðið hefst stundvíslega kl 9.00 árdegis og stendur til 17.00.

Félag tamningamanna og Léttfeti minna Skagfirðinga og nærsveitarmenn á fróðlegan fund um fóðrun reiðhesta sem fram fer í Tjarnarbæ í kvöld, mánudag kl. 20:30. Kaffiveitingar í boði félaganna.

Næstu daga eiga gæðingadómarar LH von á mynddiski inn um bréfalúguna hjá sér vegna upprifjunarnámskeiða GDLH. Með diskinum fylgja allar upplýsingar um hvernig skal standa að skilum á einkunum og hvenær námskeiðin eru haldin.

Laugardaginn 13.febrúar var haldið Ísmót á Hrísatjörn við Dalvík. Þátttaka var mjög góð, en um 50 skráningar voru í mótið, 41 í tölti og 10 í skeiði. Aðstæður á tjörninni voru frábærar, og veður hagstætt. Logn og um frostmark. Þökkum við keppendum fyrir að halda tímasetningum, dómurum og öðrum starfsmönnum þökkum við einnig gott starf.

Nú að undanförnu hefur verið mikil umræða um val á landsmótsstað fyrir landsmót hestamanna. Eru þá fyrirferðarmestir forsvarsmenn þeirra mótssvæða, sem telja sig eiga landsmótin, þ.e.a.s. Gaddstaðaflata og Vindheimamela.