Fréttir: 2009

Ákveðið hefur verið að fresta Æskulýðsráðstefnu LH sem halda átti nk. laugardag 10.okt. vegna ónægrar þátttöku.

Æskulýðsnefnd LH stendur fyrir ráðstefnu fyrir æskulýðsfulltrúa á næstkomandi laugardag. Aðalumræðuefni ráðstefnunnar eru fræðslumál og öryggismál. Hverju hestamannafélagi er boðið að senda að lágmarki 2 fulltrúa á ráðstefnuna. Nú virðist vera að lítill áhugi er hjá félögunum ef miðað er við þær skráningar sem komnar eru. Af 49 félögum innan raða LH hafa einungis 16 félög skráð fulltrúa sinn á ráðstefnuna.  Þetta er langt frá vonum nefndarinnar og stjórnar LH og í ljósi aðstæðna í samfélaginu töldum við að fyrir þessu yrði áhugi, að fá hugmyndir, stuðning og hvatningu frá hinum félögunum fyrir vetrarstarfið sem framundan er, þar sem þarf að horfa í hverja krónu.

Ágætu formenn hestamannafélaganna! Formannafundur LH verður haldinn föstudaginn 6. nóvember n.k. í Íþróttamiðstöðinni í Laugardal og hefst fundurinn klukkan 10:00.

Um 500 manns hafa séð myndina Kraftur – Síðasti spretturinn, sem nú er sýnd í Sambíói í Kringlunni. Aðdáendur á Facebook síðu myndarinnar eru rúmlega eittþúsund og tvöhundruð frá 16 þjóðlöndum.

Aðalfundur G.D.L.H. verður haldinn 16. október 2009 klukkan 18:00 í Íþróttamiðstöðinni Laugardal.

Æskulýðsnefnd Landssambands hestamannafélaga minnir æskulýðsfulltrúa hvers félags í landinu að skrá sig á æskulýðsráðstefnuna sem haldin verður laugardaginn 10.okt. Íþróttamiðstöðinni í Laugardal kl.10-18.

Kvikmyndin Kraftur - síðasti spretturinn var frumsýnd í Kringlubíói í gærkvöldi, 30.sept. Aðalhlutverk myndarinnar er í höndum stóðhestsins Kraft frá Bringu sem hefur unnið hug og hjörtu hestamanna um heim allan og þjálfara hans Þórarins Eymundssonar tamningameistara FT.

Hátt í eitt þúsund manns víðsvegar að úr heiminum hafa skráð sig á aðdáendasíðu heimildarmyndarinnar Kraftur - Síðasti spretturinn. Uppselt er á frumsýningu í kvöld en myndin fer í almenna sýningu á morgun.

Æskulýðsnefnd LH boðar til ráðstefnu um æskulýðsmál (fræðslu og öryggismál) laugardaginn 10. október n.k. kl.10:00 - 18:00 Íþróttamiðstöðinni í Laugardal.