Fréttir: Júlí 2009

  Fjórðungsmóti 2009 á Vesturlandi er lokið og að sögn mótshaldara eru þeir ánægðir með mótahaldið sem einkenndist af drengilegri keppni og ekki spillti veðurblíðan fyrir.

Áhugasömum um Fjórðungsmót á Kaldármelum er bent á að leita allra upplýsinga á heimasíðun FM 2009 en þar eru fréttir og úrslit uppfærðar reglulega.  SMELLIÐ HÉR.

Þriðji mótsdagur á Kaldármelum hófst í fallegu veðri með keppni unglinga í morgunsárið. Yfirlitssýning hryssna hefst eftir hádegi og að þeim dagskrálið  loknum kl. 16, fer fram hópreið hestamannafélaganna og formleg setnings mótsins.

Hið stórskemmtilega félagsmót Freyfaxa 2009 verður haldið dagana 10. og 11. júlí næstkomandi. Mótið verður með léttu sniði þetta árið og miðast að því að þáttakendur og áhorfendur verði sem allra flestir.

B úrslitum í B flokki gæðinga lauk rétt í þessu eftir hörkuspennandi keppni á milli tvíeykisins Gáska frá Sveinsstöðum og Ólafs Magnússonar annars vegar og Flygils frá Vestur-Leirárgörðum og Marteini Njálssyni hins vegar.

Mikil stemning er að myndast í brekkunni á Kaldármelum og rétt í þessu lauk fordómum í A flokki. Máttur frá Torfunesi vermir fysta sætið með 8,62, Þóra frá Prestsbæ er í öðru sæti með 8,44 og Sólon frá Skáney hlaut einkunnina 8,40.

Rétt í þessu lauk fordómum í 5 vetra flokki og ber mönnum saman um að í þeim flokki sé að finna hvern glæsigripinn á fætur öðrum.

Skrifstofa Landssambands hestamannafélaga verður lokuð eftir hádegi á morgun, föstudaginn 3.júlí, frá kl.12:00 vegna sumarleyfa starfsmanna.

Hægt er að skoða myndir frá forkeppni Fjórðungsmóts á myndasíðu Kolbrúnar Grétarsdóttur með því aðsmella hér.