Fréttir: Janúar 2012

Í Ölfushöllinni

Almennt reiðnámskeið hefst 20. janúar og kennari verður Jelena Ohm. Þetta námskeið er bæði fyrir þá sem eru vanir sem og þá sem hafa minni reynslu.

Senn líður að fyrsta móti Meistaradeildar í hestaíþróttum 2012 en keppni hefst fimmtudaginn 26. janúar á fjórgangi. Liðin eru öll komin á hreint og verða þau kynnt á næstu dögum.

Fákur óskar hestamönnum gleðilegs nýs árs og minnir um leið á nokkra viðburði í félaginu á næstunni.

Mánudaginn 9. janúar mun Ingimar Sveinsson halda fyrirlestur um fóðrun og meðferð hrossa í Harðarbóli kl. 19:30. Fyrirlesturinn  hentar ungum sem öldnum og hvetjum við alla Harðarfélaga til að mæta.

Upphafshátíð æskulýðsnefnda Andvara og Gusts verður haldin félagsheimili Andvara sunnudaginn 8. janúar frá kl.16:00 - 18:00.

Í vetur ætla æskulýðsnefndir Gusts og Andvara að starfa saman, verkefni nefndarinnar eru æskulýðsstarf og námskeiðahald fyrir börn og unglinga.

Guðmar Þór Pétursson reiðkennari verður með sýnikennslu fimmtudaginn 5. jan í nýja Gusti í reiðhöllinni Hamraenda 16-18 ath enginn aðgangseyrir.

Limsfélagið og hrossaræktardeild Fáks hefur vetrarstarfið 2012 af fullum krafti með árlegri hrossakjötsveislu í félgsheimili Fáks Laugardagskvöldið 7 janúar n.k.