Fréttir: Maí 2011

Almannadalsmótið verður haldið á nýja keppnisvelli svæðisins. Í ár verður keppt í tölti á beinni braut en farið inn í hringinn með litlu börnin (sömu flokkar og í vetrarleikum Fáks).

Nú blásum við til vorgleði föstudaginn 13. maí! Tökum á móti félögum okkar úr efri og neðri byggðum Gusts. Léttar veigar og hamborgarar seldir á vægu verði.

Unglingar og ungmenni á vegum Landssambands hestamannafélaga komu ríðandi að Kjarvalsstöðum við opnunarhátíð sýningarinnar „Jór! Hestar í íslenskri myndlist“.

Vegna mikilla óþæginda fyrir knapa og starfsmenn sýninga hefur verið ákveðið að ekki verður hægt að skrá stóðhesta til kynbótasýningar nema reglum varðandi DNA, blóð og röntgenmyndir hafi verið fylgt.

Reiðmaðurinn er á vegum Endurmenntunar Landbúnaðarháskóla Íslands. Reiðmaðurinn er tveggja ára nám, sem hægt er að taka samhliða vinnu eða öðru námi.

Hin árlega kirkjureið hestafólks á höfuðborgarsvæðinu verður næsta sunnudag. Riðið verður til Seljakirkju, þar sem tekið verður á móti hestum í trygga rétt og gæslu.

Í kvöld, mánudaginn 9.maí, verður sýndur þáttur á Ríkissjónvarpinu kl.23.10 um Ístöltið "Þeir allra sterkustu". Þáttagerð var sem fyrr í höndum þeirra Samúels Arnars Erlingssonar og Óskars Nikulássonar.

Gullmótið 2011 verður haldið þann 15.-19. júní nk. í samvinnu við hestamannafélagið Sörla, Sörlastöðum í Hafnarfirði. Á mótinu verður úrtaka fyrir heimsmeistaramótið í hestaíþróttum og er ætlað þeim allra sterkustu.

WR Íþróttamót Harðar og Margretarhof verður haldið að Varmárbökkum dagana 13.- 15.maí.