Fréttir

Börn/unglingar og foreldrar fjölmenntu og þá meinum við FJÖLMENNTU í Reiðhöllina í Arnargerði á Blönduósi í þetta skiptið var salurinn okkar of lítill.

Fræðslunefnd Sörla heldur fræðslufund með Sigurbirni Bárðarsyni fimmtudagskvöldið 29. jan kl. 19:30 að Sörlastöðum. Þar mun Sigurbjörn halda erindi og fara yfir uppbyggingu vetrarþjálfunar hvort sem um er að ræða keppnis eða reiðhesta. Eftir erindið mun hann sitja fyrir svörum.

Í tilefni af frétt frá hestamannafélaginu Andvara í Garðabæ [sem birst hefur á vefmiðlum] vill stjórn Gusts í Kópavogi koma eftirfarandi upplýsingum á framfæri:

Skuldlausir félagar í hestamannafélaginu Gusti geta notað reiðhöllina á félagssvæðinu að vild frá klukkan 14.00 til 22.00 virka daga, og frá klukkan 08.00 til 22.00 um helgar. Skuldlausir félagar geta fengið lykil hjá húsverði gegn 1000 krónur skilagjaldi.

Aðalfundur hestamannafélagsins Andvara verður haldinn fimmtudaginn 27. nóvember klukkan 20.00 í félagsheimili Andvara. Á dagskrá eru venjuleg aðalfundarstörf.

Tveir gefa kost á sér til formanns í Gusti á aðalfundi félagsins annað kvöld, fimmtudaginn 27. nóvember. Það eru þau Hermann Vilmundarson, varaformaður, og Kristín Njálsdóttir, sem á sæti í varastjórn.

Næsta Landsþing LH verður haldið á Akureyri eftir tvö ár. Sigfús Helgason, Létti, flutti boð þess efnis frá félagi sínu í lok Landsþings LH á Kirkjubæjarklaustri. Haraldur Þórarinsson, formaður LH, þekktist boðið fyrir hönd samtakanna.

Stjórn LH hefur sent formlega tillögu til stjórnar FEIF um að dregið verði um röð keppenda á alþjóðlegum mótum í Íslandshestamennsku. Tillagan er í samræmi við samþykkt landsþings LH frá því í haust.

Á þessu ári samþykkti Sportnefnd FEIF að mót í hestaíþróttum séu því aðeins lögleg WorldRanking mót að einn dómari sé erlendur. Það er að segja að hann komi frá öðru landi en viðkomandi keppnislandi.