Fréttir

Ragnar Snær Viðarsson vann ferðavinning frá VERDI ferðum að upphæð 200.000 í Happdrættinu á Allra sterkustu. Ragnar Snær segist ekki vera viss um hvort hann nýti vinninginn til að fara á HM eða á leik með Arsenal. Hvort sem hann velur vonum við að hann eigi gott ferðalag fram undan og óskum honum sem og öllum öðrum vinningshöfum til hamingju. Vinningana má nálgast á skrifstofu LH.

Met skráninga á WR íþróttamót Geysis sem fram fer um helgina hefur vakið verðskuldaða athygli. Mótið átti upphaflega að vera þriggja daga mót en sökum mikillar skráningar hófst mótið kl 10 í gær, fimmtudag og stendur fram á mánudagskvöld. Að baki móti eins og þessu liggur mikil vinna sjálfboðaliða. Við heyrðum í Eiríki Vilhelm Sigurðarsyni formanni Geysis sem sagði okkur örlítið frá mótinu og undirbúningnum.

Miðbæjarreið Landssambands Hestamannafélaga og Horses of Iceland verður haldin laugardaginn, 3. júní kl. 15:00 í miðbæ Reykjavíkur. Miðbæjarreiðin er ákaflega skemmtileg hefð sem vekur athygli á því mikilvæga hlutverki sem Íslenski hesturinn hefur í hjörtum okkar Íslendinga.

FEIF og IPZV hafa staðið fyrir ljósmyndasamkeppni undanfarið ár og verður LH ásamt íslandshestasamtökunum í Ungverjalandi og Kanada samstarfsaðilar keppninnar í ár. Nýja þemað ber heitið Samspil í reið (e. Riding in Harmony) og er skilafrestur á myndum til 14. júní.

Landsmót hestamanna ehf. auglýsir eftir umsóknum hestamannafélaga til mótshalds á Landsmótum hestamanna árin 2028 og 2030.

Unnur Sigurþórsdóttir vann Top Reiter Titan hnakk í Happdrættinu á Allra sterkustu. Hnakkurinn var gjöf frá Top Reiter og Lífland. Unnur segir vinninginn koma sér ákaflega vel þar sem hún var einmitt að leita sér að nýjum hnakk. Við óskum henni sem og öllum öðrum vinningshöfum til hamingju og vonum að þeir komi sér vel. Vinningana má nálagst á skrifstofu LH.

LH og HorseDay hafa gert með sér samning um að þróa virknina ,,Mót'' innan smáforritsins HorseDay og er því ætlað að koma í stað LH Kappa, með það það fyrir augum að endurbæta verulega útlit og tæknilega virkni. LH Kappi hefur reynst hestamönnum og mótshöldurum vel en kominn var tími á uppfærslu á forritinu. HorseDay hefur verið í miklum vexti síðan það var sett á laggirnar 2020 og er markmiðið að bæta aðgengi að upplýsingum um niðurstöður móta.

Hestamannafélagið Sprettur hefur óskað eftir heimild til að halda Landsmót 2024 í samstarfi við Hestamannafélagið Fák á félagssvæði Fáks í Víðidal í Reykjavík. Stjórn LH og stjórn LM ehf. hafa fjallað um málið og hafa samþykkt að verða við ofangreindri beiðni Spretts.

Dregið hefur verið í stóðhestaveltu landsliðsins. Landssamband hestamannafélaga ómetanlegan stuðning stóðhestaeigenda sem gáfu tolla undir gæðingana sína. Einnig færum við öllum þeim sem keyptu miða bestu þakkir fyrir stuðninginn.