Fréttir

Benedikt Ólafsson er þrátt fyrir ungan aldur orðinn risanafn í hestamennskunni. Hann varð tvöfaldur heimsmeistari á HM 2023 og er núna á sínu síðasta ári í ungmennaflokk. Benedikt er alinn upp í Mosfellsdal, á Ólafshaga og stundar sína hestamennsku þaðan. Hann var einmitt í reiðtúr þegar við slógum á þráðinn til hans. Já, ég er á hestbaki á honum Svarti frá Ólafshaga. Virkilega efnilegur 6 vetra hestur, fasmikill, með mikinn fótaburð, fallegan háls og framfallegur undan honum Bikar okkar. Annars er ég búinn að vera á fullu síðan um áramótin að ríða út og temja, það er alveg geggjað að geta gert það að atvinnu sinni sem manni finnst skemmtilegast.

Æfingastöðin stendur fyrir námskeiðinu “Að styðjast við hesta í starfi með fólki” dagana 15. og 16. september 2024. Á námskeiðinu verður farið yfir hvernig hægt er að innleiða hesta í fjölbreytt starf með fólki með það að markmiði að efla heilsu, færni og þátttöku. Námskeiðið er haldið í beinu framhaldi af ráðstefnu Æfingastöðvarinnar “Dýr í starfi með fólki” sem fer fram laugardaginn 14. september. Námskeiðið gildir til endurmenntunar.

Frábær leið til þess að vera virkur þátttankandi í einu stærsta Norðurlandamóti sem haldið hefur verið. Norðurlandamót leitar að öflugum sjálfboðaliðum til að aðstoða við framkvæmd mótsins. Að taka þátt sem sjálfboðaliði er gefandi og skemmtilegt, auk þess að vera frábært tækifæri til að kynnast fólki héðan og þaðan. Mót af þessari stærðargráðu væru óframkvæmanleg nema vegna sjálfboðaliðana. 

Við viljum minna hestafólk á hnappinn – Slysaskráning á heimasíðu LH. Þar er hægt að tilkynna slys en einnig væri gott ef hestamenn myndu skrá þá staði þar sem litlu hefði mátt muna að slys hefði getað orðið, eða augljós slysahætta er til staðar. Með því að skrá þessar upplýsingar fáum við yfirlit yfir það, hvar vankantar eru á öryggi hestamanna sem hægt er að bæta úr og laga svo fleiri lendi ekki í óhöppum. Slysstaðir sem gefnir eru upp í skráningunni eru síðan færðir inn á Kortasjánna og þannig geta notendur hennar séð hvar varhugaverðar aðstæður eru til staðar og farið með gát um þau svæði á meðan unnið er að úrbótum. Á kortavefsjá LH eru skráðar reiðleiðir um allt land alls um 12500km það er eru einnig hægt að leita upplýsinga um vegvísa, áningar, skála, fjárréttir og neyðarskýli og nú einnig hvar slys hafa verið tilkynnt.

Dregið hefur verið í stóðhestaveltu landsliðsnefndar LH. Stóðhestaveltan er einn af stærstu og mikilvægustu fjáröflunarviðburðum landsliðs- og afreksmála LH.  Landssamband hestamannafélaga þakkar stóhestaeigendum sem gáfu tolla og ennfremur hryssueigendum sem keyptu miða í stóðhestaveltunni. 

Við slógum á þráðinn til Elvars Þormarssonar tvöfalds heimsmeistara í hestaíþróttum og ræddum við hann um hvað er framundan, hvaða hesta hann stefnir með í úrtökur og á HM 2025. Þá ræddum við það hvernig er að standa á hliðarlínunni meðan börnin eru í braut og stemninguna sem hann leggur svo mikið uppúr.

Dregið verður í stóðhestaveltu landsliðsins á fimmtudaginn 30. maí, örfáir miðar eru eftir og því um að gera að stökkva til og tryggja sér miða. Að taka þátt í stóðhestaveltunni eykur ekki bara spenningin í ræktunarstarfinu heldur er styrkurinn ómetanlegur fyrir landsliðin okkar sem munu halda á Norðurlandamót í hestaíþróttum í ágúst.

Stóðhestavelta landsliðsins er til styrktar Norðurlandamótsförum 2024. Afreksstarfi LH er að miklu leiti haldið uppi af velvild einstaklinga og fyrirtækja í formi styrkja. Stóðhestaeigendur sem gefa tolla í stóðhestaveltu landsliðsins eru þannig einn mikilvægasti bakhjarl landsliðs Íslands í hestaíþróttum, U21 landsliðsins og Hæfileikamótunar LH. LH þakkar stóðhestaeigendum ómetanlegan stuðning.

Miðbæjarreið landssambands hestamannaféalga var áætluð 28. maí en frestast vegna framkvæmda efst á Skólavörðuholtinu. Ný tímasetning er ekki komin á hreint en upplýsingar um nýja tímasetningu verður birt von bráðar. Þeir sem hafa áhuga á að taka þátt í reiðinni eru vinsamlegast beðnir um að hafa samband við sitt hestamannafélag og láta vita af sér, svo hægt sé að áætla fjölda í reiðinni með nokkurri vissu.