Fréttir: Ágúst 2013

Búðardal

Gaddstaðaflötum 17.-18. ágúst

Skrifstofa LH verður lokuð vegna sumarleyfa starfsmanna frá föstudeginum 16.ágúst til og með þriðjudagsins 20.ágúst.

Minnum á að skráningafrestur á nýdómaranámskeið HÍDÍ rennur út á morgun fimmtudag 15 ágúst. Allar nánari upplýsingar má finna á heimasíðu félagsins hidi.is.

Íþróttamót hestamannafélagsins Dreyra verður haldið í Æðarodda, við Akranes dagana 22.-25. ágúst n.k. Hvenær mótið hefst og nánar um dagskrá verður kynnt þegar skráning liggur fyrir. Upplýsingar verða kynntar á vefmiðlum hestamanna.

Nú eru keppendur farnir að skrá sig á stórmótið á Melgerðismelum 17. og 18. ágúst, en skráningu lýkur miðvikudaginn 14. ágúst. Keppt verður í A- og B-flokki, ungmenna-, unglinga- og barnaflokki og fyrirkomulagið verður þannig að sérstök forkeppni fer fram með þrem keppendum inni á vellinum í einu.

HM2013 í Berlín lauk á sunnudaginn og eru flestir sammála um að einn af hápunktunum var glæsileg sýning hjá Jóhanni R Skúlasyni á Hnokka frá Fellskoti en þeir unnu A-úrslitin í Tölti með einkunina 9,61. Hér fyrir neðan má sjá árangur Íslands í úrslitum á mótinu en samtals fékk Ísland fimm gull, tvö silfur og fjögur bronsverðlaun, íslenska liðið vann síðan einnig Liðabikarinn.

Glæsilegt gæðingamót verður haldið á Sörlavöllum 19.-20. ágúst. Mótið verður allt hið glæsilegasta. Einn og einn verður inn á í einu og mun sína sitt prógram. Hitað verður upp í grillinu á kvöldin og allt gert til þess að öllum líði sem best í Hafnarfirðinum.

Skrifstofa LH er lokuð í dag, mánudaginn 12. ágúst, vegna veikinda.