Fréttir

Þórgunnur Þórarinsdóttir og Hnjúkur frá Saurbæ sigruðu fjórgang V1 í unglingaflokki á Íslandsmóti barna og unglinga 2022. Þau hlutu einkunnina 7,10 í úrslitum. Kaupfélag Borgfirðinga styrkti þessa grein á mótinu og Lífland gaf gjafabréf til sigurvegara. Farandbikar LH var gefinn af Hestamannafélaginu Spretti. Til hamingju Þórgunnur!

Norðurlandamótið 2022 er handan við hornið og að þessu sinni fer það fram á Álandseyjum (Åland) á milli Finnlands og Svíþjóðar. Álandseyjar eru skerjagarður sem telur um 6500 eyjar á milli þessara tveggja landa. Mótið fer fram á brokkkappreiðabraut sem kallast „travet mitt i havet“ („brokkið úti á hafi“) og liggur á meginlandi eyjanna rétt við Mariehamn.

Matthías Sigurðsson og Tign frá Fornusöndum báru sigur úr býtum í gæðingaskeiði í unglingaflokki á Íslandsmóti barna og unglinga. Matthías og Tign áttu glæsilega spretti sem skiluðu þeim 7,08 í einkunn.

Fyrstu Íslandsmeistararnir voru krýndir í dag á Íslandsmóti barna og unglinga en það voru þær Kristín Eir Hauksdóttir sem sigraði fimi A í barnaflokki á Þyt frá Skáney og Þórgunnur Þórarinsdóttir sigraði fimi A í unglingaflokki á Hnjúk frá Saurbæ.

Jakob Svavar Sigurðsson keppir í fjórgangi og tölti á Hálfmána fá Steinnesi og í A-flokki gæðinga á Eldjárni frá Skipaskaga og Helga Una Björnsdóttir keppir á Leik frá Lækjamóti í A-flokki gæðinga.

Hinrik Þór Sigurðsson hefur verið ráðinn verkefnastjóri afreks- og mótamála á skrifstofu LH. Hinrik mun stýra greiningarvinnu er varðar skipulag mótahalds og keppni í hestaíþróttum og skipulagningu afreksmála LH.

Vakin er athygli á því að samkvæmt lögum LH, gr. 1.2.2, skulu breytingartillögur á keppnisreglum sendar til skrifstofu LH þremur mánuðum fyrir þing, eða 4. ágúst nk. Senda skal tillögurngar á netfangið lh@lhhestar.is.

Nýir farandbikarar verða afhentir á Íslandsmótinu barna og unglinga 2022 sem fer fram í Borgarnesi dagana 3.-6. ágúst. Verðlaunin eru gefin af nokkrum aðildarfélögum LH. Ætlunin er að bikararnir verði veittir tólf sinnum og gefandi fái svo bikarinn til varðveislu eftir það. Þakkar stjórn LH gefendum kærlega fyrir þeirra framlag.

Landsliðsþjálfarar Íslands í hestaíþróttum hafa valið landslið Íslands sem keppir á Norðurlandamóti 2022. Mótið fer fram í Álandseyjum dagana 9. til 14. ágúst.