Fréttir

Það er ávallt nóg umleikis í skipulagningu Landsmóts síðustu mánuðina enda aðeins rétt um þrír mánuðir þangað til veislan hefst.  Að undanförnu hafa starfsmenn verið að ganga frá samningum er lúta að hinum ýmsu verkþáttum.  Í vikunni var gengið frá veigamiklum samningum varðandi veitingamálin og óhætt að fullyrða að fjölbreytnin verði í fyrirrúmi í mat og drykk á Vindheimamelum í sumar.

Á morgun verður keppt í fimmgangi í Meistaradeild VÍS í Ölfushöllinni. Keppnin hefst klukkan 19:30. Forsala aðgöngumiða er hafin í verslunum Top Reiter, Líflands og Baldvini og Þorvaldi. Verð á aðgöngumiðanum er 1.500 krónur og 500 krónur fyrir 12 ára og yngri.

Minnum á að í dag er síðasti skráningadagur fyrir úrtöku Ístöltsins "Þeirra allra sterkustu". Efstu hestum úrtökunnar verður boðið á Ístöltið. Skráning fer fram á www.gustarar.is og stendur til miðnættis. Úrtakan fer fram föstudaginn 26.mars í Skautahöllinni í Laugardal og hefst kl.20:00.  

Búfjáreigendum á áhrifasvæði eldgosins er bent á að fylgjast grannt með mögulegu öskufalli, t.d. með því að leggja út hvítan disk. Verði vart við öskufall er mikilvægt að hýsa það búfé sem er við opin hús eða á útigangi, sé það mögulegt.

Þá er komið að fjórða og síðasta kvöldinu í KEA mótaröðinni. Mótaröðin hefur gengið frábærlega vel og gaman hefur verið að fylgjast með þessari keppni.

Forsala aðgöngumiða á STÓÐHESTAVEISLU 2010 hófst í morgun, en sýningin fer fram í Rangárhöllinni á Hellu laugardaginn 3. apríl nk. kl. 14. Forsalan fer fram í Ástund í Reykjavík, Baldvin og Þorvaldi á Selfossi og verslun Fóðurblöndunnar á Hvolsvelli.

Á stjórnarfundi LH 12.mars síðastliðinn var tekin sú ákvörðun að boða formenn hestamannafélga og formenn nefnda LH til fundar 26.mars næstkomandi í húsakynnum ÍSÍ við Engjaveg kl 13:00.

Úrtaka fyrir „Allra sterkustu“ verður haldin föstudaginn 26.mars kl.20:00 í Skautahöllinni í Laugardal. 8-10 efstu hestum í úrtöku verður boðið að taka þátt í Ístölti „Allra sterkustu“ sem fer fram 3.apríl. Þar mæta til leiks glæsilegir töltarar og margir af fremstu knöpum landsins.