Fréttir: Júní 2012

Laugardaginn 30. júní verður haldin þolreið frá félagssvæði Harðar að landsmótssvæðinu og endað á stóra hringvellinum á félagssvæði Fáks. Það geta allir tekið þátt á vel þjálfuðum reiðhestum en þolreið í þessari mynd er haldin árlega á íslenskum hestum um alla Evrópu.

Sameiginlegt Hestaþing og úrtaka Mána og Brimfaxa úr Grindavík fór fram sunnudaginn 3.júní í brakandi blíðu. Mótið fór vel fram og tókst það fyrirkomulag vel að halda mótið með Brimfaxafélögum.

Á Hestaþingi Sindra 2012 sem haldið verður 15-16. júní verða haldnar kappreiðar. Keppt verður í 100m fljótandi skeiði, 150m og 250m skeiði, 300m brokki og 300m stökki.

Þau skötuhjú Helgi Björnsson og Vilborg Halldórsdóttir ferðast um landið í júní og taka hús á nokkrum af þeim fjöldamörgu einstaklingum sem eru að undirbúa sig fyrir Landsmót hestamanna, hápunkt hestamennskunnar á Íslandi.

Boðað er til félagsfundar í hestamannafélaginu Gusti, þriðjudaginn 5. júní n.k. kl. 20.00 í reiðhöll félagsins í Glaðheimum.

Landsliðsnefnd Landssambands hestamannafélaga hefur, í samvinnu við Úrval –Útsýn, sett saman ferð á HM2013 í Berlín. Af hverri seldri ferð rennur hluti til íslenska landsliðsins svo þeir sem bóka þessa ferð eru beinir þátttakendur í þeirri fjáröflun sem nú fer fram vegna landsliðsins okkar.

Glæsilegu gæðingamóti Sörla og Sóta lauk á laugardag með glæsilegum sýningum í frábæru veðri og umhverfi á Sörlastöðum.

Hestaþing Sindra verður haldið 15. - 16. júní næstkomandi á Sindravelli við Pétursey. Hestaþingið er jafnframt úrtaka fyrir Landsmót.

Samningur milli Landssambands hestamannafélaga og Rangárbakka ehf., vegna LM2014 á Gaddstaðaflötum við Hellu, var undirritaður á Hellu í gær föstudaginn 1. júní. Það voru fulltrúar LH og Rangárbakka og annara félaga sem að mótinu koma sem undirrituðu samninginn.