Fréttir: Apríl 2011

Austurríki og íslenski hesturinn í allri sinni dýrð! Heimsmeistaramót íslenska hestsins verður haldið í St.Radegund/Austurríki dagana 1.-7. ágúst 2011.

Aðfaranótt 5. apríl var brotist inn í hesthús á Selfossi og þaðan teknir 6 hnakkar ásamt miklu magni af beislum, múlum og öðrum fylgihlutum. 

Skráning á Opna íþróttamót Mána (WR) verður í kvöld miðvikudag 6 apríl í Mánahöllinni og í síma milli kl 20 og 22. Einnig verður tekið á móti skráningum á netfangið mani@mani.is. Skráningargjald er kr 3.500 á grein.   Keppt verður í öllum hefðbundnum greinum og flokkum ef næg þátttaka næst en annars verða flokkar sameinaðir. Við skráningu þarf að koma fram kennitala knapa, IS númer hests, keppnisgrein, flokkur og upp á hvora hönd er riðið í hringvallagreinunum.  Þeir sem hringja eða senda póst þurfa að láta kortanúmer og gildistíma korts fylgja. Símar til að hringja í á miðvikudagskvöldið eru:   695-0049 866-0054 861-0012 861-2030 848-6973 869-3530

Fundur hesthúseigenda í Víðidal og Faxabóli í félagsheimili Fáks, nk. fimmtudagskvöld kl. 20:00 (7. apríl).

Kvennatölt Norðurlands í boði útflutningsþjónustu Eysteins Leifssonar ehf fer fram laugardaginn 9. apríl kl 20:00 í reiðhöllinni Svaðastaðir á Sauðárkróki.

Þann 9-10. apríl verður námskeið með Erlingi Ingvarssyni í Top Reiter höllinni á Akureyri. Kenndar verða 2x40 mínútur hvorn dag og verða 2 saman í hverjum tíma.

Þeir komu, sáu og sigruðu þriðja árið í röð á Ístölti „Þeir allra sterkustu“ sem haldið var í Skautahöllinni í Laugardal síðastliðinn laugardag. Hreint ótrúlegur árangur hjá þeim félögum Halldóri Guðjónssyni og Nátthrafni frá Dallandi!

Kynbótanefnd Sörla stendur fyrir fræðslunámskeiði um byggingardóma og sýningu hrossa í byggingardómi 9. og 10. apríl. Aðaláherslan verður lögð á að læra að þekkja kosti og galla í byggingu og uppstillingu í dómi.

Meistaradeild VÍS fór fram á sunnudaginn 3.apríl á Sörlastöðum í Hafnarfirði. Keppt var í 150m skeiði og Gæðingaskeiði. Meðfylgjandi eru niðurstöður mótsins.