Fréttir: Janúar 2009

Matvælastofnun heldur fræðslufund um heilbrigði íslenska hestsins þriðjudaginn 27. janúar 2009 kl. 15:00-16:00. Á fundinum verða teknir fyrir þættir sem ógnað geta heilbrigði og velferð hrossastofnsins og fjallað um viðbrögð við hugsanlegri vá. Þá verða nýleg dæmi um salmonellusýkingu og brot á dýraverndarlögum til umfjöllunar.

Skagfirðingar hafa tekið Huginn frá Haga á leigu næsta sumar. Huginn stimplaði sig inn sem kynbótahestur í fyrra. Þá komu fram nokkur úrvals hross undan honum.

Hýsi ehf og Hestamannafélagið Hörður í Mosfellsbæ hafa náð samningum um að Hýsi sjái um að útvega og reisa reiðhöll á svæði Harðar á Varmárbökkum. Reiðhöllin er 30 x 81 m = 2430 m2 að stærð og vegghæð 4,2 m. Iðnkúnst ehf sér um að reisa húsið.

Félag tamingamanna býður upp á tveggja helga reiðnámskeið með einum allra besta reiðkennara landsins, Antoni Páli Níelssyni. Nánast óþarft er að kynna Anton en hann hefur starfað sem reiðkennari hjá Hólaskóla um árabil ásamt því að vinna við tamningar og þjáfun.

Eyþór Jónasson hefur verið ráðinn framkvæmdastjóri Svaðastaðahallarinnar á Sauðárkróki. Hann sér um allan daglegan rekstur og fjársýslu, auk þess að skipuleggja móta- og sýningahald í höllinni.

Úrtökumót fyrir KS – Deildina, Meistaradeild Norðurlands verður haldin í kvöld, miðvikudag 28. janúar í Svaðastaðahöllinni. Mótið hefst klukkan 20.00. Byrjað verður á keppni í fjórgangi. Knapafundur verður klukkan 18.30 í anddyri hallarinnar. Áríðandi að allir knapar mæti.

KS-Meistaradeild Norðurlands hóf göngu sína í fyrra í Svaðastaðahöllinni á Sauðárkróki og blæs nú til leiks í annað sinn. Flestir af bestu knöpum Norðurlands tóku þátt í fyrra, þar með taldir knapar úr Eyjafirði.

„Það verður byggð reiðhöll á Kirkjubólseyrum. En eins og staðan er núna þá teljum við hyggilegast að bíða fram á vorið með hefja framkvæmdir. Við viljum sjá fyrir endann á þessu áður en við hefjumst handa,“ segir Vilberg Einarsson, formaður Blæs á Norðfirði.

Á laugardaginn kemur þann 10. janúar BÝÐUR Æskulýðsnefndin öllum Sörlabörnum og unglingum á skauta í Eglishöllinni. Safnast verður saman í bíla við Sörlastaði kl. 13.00 stundvíslega og áætlað er að vera á skautum í u.þ b. 1-2 tíma.