Fréttir: Júlí 2008

Hægt er að vinna glæsilegan Sony Ericsson W660i gsm tónlistarsíma með því að taka þátt í svonefndri idol kosningu í sýningu ræktunarbúa í kvöld. Það er Síminn sem gefur vinninginn.

Um sex þúsund manns voru viðstaddir formlega setningu Landsmóts hestamanna á Gaddstaðaflötum á Hellu í blíðskaparveðri í kvöld. Um 500 knapar og hestar þeirra tóku þátt í hópreið allra hestamannafélaga á landinu.

Á fjórða þúsund manns eru nú samankomnir á Landsmóti hestamanna á Gaddstaðaflötum og hefur verið stöðugur straumur fólks inn á svæðið það sem af er degi. Veðurspáin er góð fyrir næstu daga og útlit fyrir um og yfir 20 stiga hita um helgina.