Fréttir: Október 2021

Stjórn Landssambands hestamannafélaga (LH) og landsliðsnefnd hafa tekið ákvörðun um að víkja einum landsliðsmanni úr landsliðshópi Íslands í hestaíþróttum. Ákvörðunin er tekin í ljósi nýtilkominna upplýsinga um dóm sem landsliðsmaðurinn hlaut fyrir kynferðisbrot, en stjórn sambandsins og landsliðsnefnd hafði ekki verið kunnugt um dóminn.

Viðurkenningar fyrir knapa ársins og keppnishestabú ársins 2021 voru veittar á Hótel Natura dag. Verðlaunin eru gefin af Ásbirni Ólafssyni. Einnig veitti Meistaradeildin í hestaíþróttum efnilegasta knapa ársins viðurkenningu í formi gjafabréfs fyrir reiðtímum hjá knapa í Meistaradeildinni.

Tilnefningar valnefndar LH til knapaverðlauna og fyrir keppnishestabú ársins 2021 liggja fyrir.

Ákveðið hefur verið að halda verðlaunahátíð Landssambands hestamannafélaga í stað Uppskeruhátíðar í ár. Hátíðin verður einungis fyrir boðsgesti. Bein útsending frá verðlaunafhendingunni verður á Alendis TV þann 30. október kl 17.