Fréttir: Júní 2011

Sýningar ræktunarbúa skipa ávallt sérstakan sess í dagskrá landsmóta og er brekkan jafnan þétt setin á meðan. Gerð hefur verið sú breyting á dagskrá landsmóts, að ræktunarbússýningarnar hafa verið færðar af fimmtudagskvöldinu yfir á föstudagskvöldið 1. júlí kl. 20:00.

Hér má sjá endanlega stöðulista fyrir Landsmót fyrir tölt og skeiðgreinar. Ef einhverjar athugasemdir eru við listana hafið þá endilega samband við skrifstofu LH í s:514-4030 eða lh@isi.is

Af gefnu tilefni vill Landssamband hestamannafélaga beina þeim tilmælum til þeirra sem eru nú að huga að járningum hrossa fyrir Landsmót og Íslandsmót að gæta þess að skeifur standist mál samkvæmt lögum og reglum LH.

Keppni í 100m skeiði fór fram í gærkvöldi á Sörlastöðum. Einnig voru farnir fyrri sprettir í 150m skeið og 250m skeið. Niðurstöður má sjá hér fyrir neðan.

Viðar Ingólfsson og Tumi frá Stóra-Hofi standa efstir í tölt með einkunnina 8,13 annar er John Sigurjónsson á Tóni frá Melkoti með einkunnina og þriðja er Olil Amble á Krafti frá Ketilsstöðum með einkunnina 7,63.

Þeir félagar Sigurður V Matthíasson og Birtingur frá Selá eru efstir í gæðingaskeiði í fyrri umferð úrtökunnar fyrir heimsmeistaramót. Þeir hlutu einkunnina 8,04.

Að lokinni fyrri umferð í slaktaumatölti er Eyjólfur Þorsteinsson á Ósk frá Þingnesi efstur með einkunnina 8,00 og í ungmennaflokki er Teitur Árnason á Gammi frá Skíðbakka III með einkunnina 7,00.

Keppni í fjórgangi í fyrri umferð úrtöku fór fram í gær. Efst er Hulda Gústafsdóttir á Kjuða frá Kirkjuferjuhjáleigu með einkunnina 7,50 á hæla hennar er Olil Amble með Kraflar frá Ketilsstöðum með einkunnina 7,47.

Þá er fyrri umferð í fimmgangi lokið á úrtökumóti fyrir Heimsmeistaramótið í Austurríki. Það eru þeir Hinrik Bragason og Glymur frá Flekkudal sem standa efstir með einkunnina 7,27.