Skeifudagur LbhÍ að Mið-Fossum.

Á sumardaginn fyrsta er hefði fyrir að haldinn er hátíðlegur Skeifudagur á Hvanneyri. Að þessu sinni fór dagskráin fram í hestamiðstöð LbhÍ að Mið-Fossum. Á sumardaginn fyrsta er hefði fyrir að haldinn er hátíðlegur Skeifudagur á Hvanneyri. Að þessu sinni fór dagskráin fram í hestamiðstöð LbhÍ að Mið-Fossum.
 
Nemendur í hrossarækt Búfræðibrautar LbhÍ sýndu afrakstur vetrarstarfsins í reiðmennsku og frumtamningum. Auk þeirra voru nokkrir nemendur háskóladeilda og starfsmenn LbhÍ með í þessum áfanga í vetur. Aðalkennari var Reynir Aðalsteinsson og honum til aðstoðar Jakob Sigurðsson.

Keppt er um Morgunblaðsskeifuna sem hefur verið keppikefli frá árinu 1957. Í ár er hún veitt þeim nemanda sem stendur sig best í prófi með frumtamningatryppi og reiðhluta Knapamerkjakerfis 3. Allir nemendur LbhÍ, sem ekki hafa áður tekið þátt í þessari keppni hafa þátttökurétt.

Að þessu sinni hlaut Hlynur Guðmundsson Skeifuna. Í öðru sæti varð Sigríður Ása Guðmundsdóttir, í þriðja sæti Guðrún Hildur Gunnarsdóttir, fjórða sætið hlaut Vilberg Þráinsson og í því fimmta varð Birta Berg Sigurðardóttir.
 
Einnig kepptu nemendur í Hrossarækt 3 um Gunnarsbikarinn, sem kenndur er við Gunnar Bjarnason, fyrrum kennara á Hvanneyri og hrossaræktarráðunaut. Keppnin í ár var hefðbundin fjórgangskeppni, þátt tóku 13 nemendur.

Eftir úrslitakeppni varð niðurstaðan sú að Hlynur Guðmudnsson stóð efstur, önnur varð Sigríður Ása Guðmundsdóttir, þriðja sætið hlaut Carmen Kull, Þóranna Másdóttir varð í því fjórða og Edda Þorvaldsdóttir í fimmta.
 
Ásetuverðlaun FT hlaut Ingveldur Ása Konráðsdóttir og afhenti Sigrún Ólafsdóttir formaður FT þau.
Eiðfaxabikarinn er veittur þeim nemanda sem að mati hirða og kennara hefur hugsað best um hest sinn, gengið vel um í hesthúsinu, sýnt góðar framfarir í náminu og átt gott samstarf við samnemendur sína. Sigríður Ása Guðmundsdóttir hlaut þessa viðurkenningu í ár.
 
Á síðastliðnu hausti hófst nám í reiðmennsku á vegum endurmenntunardeildar LbhÍ og hlaut verkefnið nafnið Reiðmaðurinn.
Reynir Aðalsteinsson er aðalkennari og hugmyndasmiður þessa náms. Hann útfærði keppni fyrir nemendur í Reiðmanninum með nokkuð nýstárlegu sniði og gaf farandbikar sem hlotið hefur nafnið Reynisbikarinn, sem nú var keppt um í fyrsta sinn.

Keppendur um þennan bikar gátu valið hvort þeir kepptu í tölti eða fjórgangi. Forkeppni fór fram deginum áður en til úrslita riðu fimm í hvorum flokki. Efst í töltkeppninni varð Þórdís Arnardóttir og í fjórgangskeppninni Hanna Heiður Bjarnadóttir sem náði bestum árangir í keppninni í heild og er þar með fyrstik handhafi Reynisbikarsins.

Hestamannafélag nemenda LbhÍ, Grani, efndi til happdrættis þar sem margir folatollar voru í vinninga, auk þess sem folatollar voru veittir þeim fimm sem lentu í verðlaunasætum í Skeifukeppninni og Gunnarsbikarskeppninni.