Sigurbjörn Bárðarson sigrar annað árið í röð Meistaradeild VÍS í hestaíþróttum

Fresta þurfti lokamóti Meistaradeildar VÍS sem halda átti í lok apríl og er svo komið að ekki verður hægt að ná öllum knöpum saman til að halda lokamót. Einhverjir eru enn að glíma við pestina og aðrir hafa ekki möguleika á því að mæta. Því hefur verið ákveðið að fella síðasta mótið niður í ljósi óviðráðanlegra aðstæðna og verður staða stigasöfnunar liða og knapa að loknum 7 greinum af 9 látin verða lokastaða mótaraðarinnar. Fresta þurfti lokamóti Meistaradeildar VÍS sem halda átti í lok apríl og er svo komið að ekki verður hægt að ná öllum knöpum saman til að halda lokamót. Einhverjir eru enn að glíma við pestina og aðrir hafa ekki möguleika á því að mæta. Því hefur verið ákveðið að fella síðasta mótið niður í ljósi óviðráðanlegra aðstæðna og verður staða stigasöfnunar liða og knapa að loknum 7 greinum af 9 látin verða lokastaða mótaraðarinnar.

Verðlaunaafhending Meistaradeildar VÍS mun fara fram á Íslandsmótinu í hestaíþróttum sem haldið verður að Sörlastöðum í Hafnarfirði dagana 25. – 28. ágúst nk.

 

Lokastaða í stigakeppni einstaklinga:

1 Sigurbjörn Bárðarson                  Lífland                                  50
2 Sigurður Sigurðarson                   Lýsi                                      35
3 Eyjólfur Þorsteinsson                  Málning                                30.5
4 Jakob S. Sigurðsson                    Frumherji                             30
5 Viðar Ingólfsson                          Frumherji                             26
6 Hulda Gústafsdóttir                     Árbakki / Hestvit                 25
7 Þórdís Erla Gunnarsdóttir            Auðsholtshjáleiga               23.5
8 Sigurður V. Matthíasson               Málning                              23
9 Hinrik Bragason                           Árbakki / Hestvit                 22
10 Teitur Árnason                           Árbakki / Hestvit                 19
11 Lena Zielinski                             Lýsi                                    18.5
12 Guðmundur Björgvinsson           Top Reiter                          15
13 Ragnar Tómasson                      Lífland                                13
14 Árni Björn Pálsson                      Lífland                                12
15 - 16 Elvar Þormarsson                Top Reiter                          11
15 - 16 Halldór Guðjónsson             Lýsi                                    11
17 Valdimar Bergstað                      Málning                              10.5
18 - 19 Þorvaldur Á. Þorvaldsson    Top Reiter                          10
18 - 19 Ævar Örn Guðjónsson         Lífland                                10
20 Sigurður Óli Kristinsson              Frumherji                            6
21 Artemisia Bertus                         Auðsholtshjáleiga               5

 

Lokastaða í stigakeppni liða:

1 Málning                         268.5
2 Árbakki/Hestvit             254
3 Frumherji                      252
4 Lífland                           242
5 Lýsi                               231
5 Auðsholtshjáleiga         191.5
7 Top Reiter                     175

 

Mikill styrkur var í keppninni í vetur og var keppnin æsispennandi. Þar sem ekki var hægt að ljúka keppni í ár og deildin aldrei verið sterkari, hefur verið ákveðið að bjóða öllum knöpum aftur sæti í deildinni á næsta ári.

Meistaradeildin er búin að festa sig rækilega í sessi sem einn stærsti viðburður ársins í hestamennsku og er vaxandi áhugi á henni. Gott áhorf var á sjónvarpsþætti sem sýndir voru á RÚV eftir hvert mót. Gefin var út handbók sem dreift var víða og var góð umfjöllun um deildina í fjölmiðlum.

Aðalfundur Meistaradeildarinnar verður haldinn í veitingasal Ölfushallarinnar þann 23. september kl. 20:00 og eru áhugasamir hvattir til að mæta.

 

Nánari upplýsingar um Meistaradeild VÍS veitir:
Rúnar Þór Guðbrandsson
Formaður stjórnar Meistaradeildar VÍS í hestaíþróttum
Sími: 861-4000