Mikil gleði og afslappað andrúmsloft

Vilhjálmur Skúlason, varaformaður LH, og Bjarnleifur Bjarnleifsson, formaður landsliðsnefndar LH og formaður Gusts í Kópavogi, fylgdust með heimsmeistarakeppninni í Trec sem fram fór í Frakklandi í september. Þátttaka í henni var liður í samstarfsverkefni LH og landbúnaðarráðuneytisins sem lýtur að því að auka veg íslenska hestsins í Frakkalndi.Vilhjálmur Skúlason, varaformaður LH, og Bjarnleifur Bjarnleifsson, formaður landsliðsnefndar LH og formaður Gusts í Kópavogi, fylgdust með heimsmeistarakeppninni í Trec sem fram fór í Frakklandi í september. Þátttaka í henni var liður í samstarfsverkefni LH og landbúnaðarráðuneytisins sem lýtur að því að auka veg íslenska hestsins í Frakkalndi.

Vilhjálmur Skúlason, varaformaður LH, og Bjarnleifur Bjarnleifsson, formaður landsliðsnefndar LH og formaður Gusts í Kópavogi, fylgdust með heimsmeistarakeppninni í Trec sem fram fór í Frakklandi í september. Þátttaka í henni var liður í samstarfsverkefni LH og landbúnaðarráðuneytisins sem lýtur að því að auka veg íslenska hestsins í Frakklandi.

„Það var sérlega ánægjulegt að taka þátt í þessari ferð,“ segir Bjarnleifur. „Það var margt sem kom manni á óvart. Maður hefði sjálfsagt aldrei trúað því hvað hesturinn á ríka hefð í Frakklandi nema sjá það með eigin augum. Það er greinilega mjög mikill kraftur í uppbyggingu frístunda hestamennskunnar, alla vega samkvæmt þeim tölulegu upplýsingum sem fyrir liggja. Áhuginn meðal keppenda á mótssvæðinu leyndi sér heldur ekki. Mikil gleði og gott og afslappað andrúmsloft.

Mér leist prýðilega vel á Trec keppnina, sérstaklega þrautakeppnina. Ég get vel séð fyrir mér að það yrði útbúið sérstakt svæði fyrir keppni af þessu tagi á nýju svæði Gusts. Leikjamót sem þessi eru mjög gott innlegg í uppeldi barna og unglinga í hestamennskunni. Þau fá betri undirstöðu,“ segir Bjarnleifur.

Vilhjálmur er á sama máli. Hann telur auk þess brýnt að fylgja málum eftir og nýta það lag sem hefur skapast.

„Það hefur verið mjög lærdómsríkt að fylgjast með þessu móti. Flestir þátttakendur eru frístunda reiðmenn, en þó sér maður mjög góða reiðmenn innan um sem gætu spjarað sig vel á gæðingi. Ég sé fyrir mér að þrautakeppnin gæti orðið skemmtileg viðbót við þær keppnisgreinar sem fyrir eru hjá okkur heima á Íslandi. Hún gæti opnað nýja leið fyrir fólk sem hefur áhuga á að keppa sér til skemmtunar, en hefur einhverra hluta vegna ekki áhuga á að taka þátt í hefðbundinni gæðinga- og íþróttakeppni.

Aðalatriðið núna er hins vegar að halda áfram þeirri vinnu sem þegar hefur verið innt af hendi. Frakkar eru greinilega með flókið og viðamikið kerfi í hestamennskunni sem þarf að fara réttar leiðir að. Tómas Ingi Olrich, sendiherra, hefur plægt akurinn vel og hann á heiður skilinn fyrir það hve hann hefur lagt mikla alúð við verkefnið. Það sést til lands í flestum þeim málum sem talin voru til hindrana. Ég er mjög bjartsýnn á að ætlunarverk okkar takist,“ segir Vilhjálmur.

Landssamband hestamannafélaga gaf tveimur forystumönnum í frönsku hestamannahreyfingunni veglegar bækur, Íslenska hestinn. Á myndinni eru Anna Valdimarsdóttir, liðstjóri, Bjarnleifur Bjarnleifsson, Kristinn Hugason, Frédéric Bouix, tæknilegur sérfræðingur hjá FFE, Hervé Delambre, forseti Alþjóðasambands aðila í hestaferðamennsku, Vilhjálmur Skúlason og Tómas Ingi Olrich.