Lokakvöld Meistaradeildar Cintamani

Lokakvöld Meistaradeilar Cintamani í hestaíþróttum fer fram á morgun, föstudag, en keppt verður í tölti og flugskeiði. Keppni hefst á slaginu 19:00 í TM Höllinni í Víðidal en keppni hefst á forkeppni í tölti. Þegar því er lokið tekur við flugskeið í gegnum höllina. Það ríkir mikil spenna fyrir lokakvöldin enn mjótt er á munum bæði í einstaklings- og liðakeppninni. Jakob S. Sigurðsson leiðir einstaklingskeppnina en einungis 1,5 stig skilja þá Árna Björn Pálsson að. Í liðakeppninni er það lið Hrímnis / Export hesta sem leiðir en hin liðin fylgja þeim fast eftir en einugist örfá stig skilja á milli liða. 

Höllin opnar kl. 17:00 en boðið verður upp á dýrindis lambalæri, kartöflur, salat og sósur. Trúbadorar munu spila í hléum og að loknum móti í TM veitingasalnum. Því er um að gera mæta tímanlega og tryggja sér gott sæti. Hægt er að kaupa miða inn á TIX.is og ef ekki er uppselt verður restin af miðunum selt við innganginn. Einnig er hægt að horfa beint frá mótinu inn á Stöð 2 Sport og inn á oz.com/meistaradeildin.

Ekki missa af sterkustu tölturum og fljótustu skeiðhestum landsins etja kappi saman.