HorseDay styður landslið Íslands í hestaíþróttum

12. janúar 2023
Fréttir
U21-landsliðshópur Íslands

Fyrirtækið HorseDay er nú komið í hóp styrktaraðila landsliða Íslands í hestaíþróttum og væntir Landsamband Hestamannafélaga mikils af notkun forritsins í undirbúningi og þjálfun landsliðsknapa sinna. Samningur þess efnis til þriggja ára var undirritaður nú á dögunum.

HorseDay kom á markað síðastliðið sumar með samnefnt smáforrit. HorseDay er notað  til utanumhalds um hestahaldið, til upplýsingamiðlunar og samskipta.

Með aukinni gagnasöfnun verða til aukin tækifæri. Þannig verður ákvarðanataka í þjálfun hesta í auknu mæli byggð á raunmæligögnum úr þjálfun hestsins og upplýsingar sem safnað er munu stuðla að markvissari og árangursríkari þjálfun hesta.

Meðlimir landsliða Íslands í hestaíþróttum, landsliðasþjálfarar og teymi munu nýta HorseDay til utanumhalds, þjálfunar, skipulagningar og samskipta innan liðanna og fyrir knapa sína.