Glens og gaman á Uppskerunni!

Það styttist í hátíð hátíðanna í hestamennskunni því Uppskeruhátíð hestamanna fer fram á Broadway á laugardagskvöldið kemur, þann 10. nóvember.

Það styttist í hátíð hátíðanna í hestamennskunni því Uppskeruhátíð hestamanna fer fram á Broadway á laugardagskvöldið kemur, þann 10. nóvember.

Miðasalan er í fullum gangi á Broadway (533 1100) og spennan fyrir valinu á knöpum ársins að ná hámarki. Okkar glæsilegu íþróttamenn hljóta eftirtalin verðlaun á hátíðinni:

• Efnilegasti knapi ársins
• Skeiðknapi ársins
• Íþróttaknapi ársins
• Gæðingaknapi ársins
• Kynbótaknapi ársins
• Knapi ársins
• Heiðursverðlaun LH
• Ræktun keppnishesta

Gísli Einarsson fréttamaður og ritstjóri Landans mun fara með veislustjórnina, Ingó veðurguð mætir með gítarinn og hljómsveitin Von ásamt Magna Ásgeirssyni mun halda uppi fjörinu á ballinu.

Matseðillinn

• Forréttur: Laxatartar með pestó & brauði
• Aðalréttur: Ofnbakaður lambavöðvi með rótargrænmeti, rösti kartöflum & villisveppasósu
• Eftirréttur: Frönsk súkkulaðikaka með karamellukremi & rjóma

Verð á hátíðina, matur og ball er kr. 8.200 en stakur miði á ballið kostar kr. 2.500.

Nú er tækifærið til að hittast, gleðjast saman og fagna góðum árangri ársins 2012!