Gamlar tengingar vakna til lífsins

25. nóvember 2008
Fréttir
Ýmislegt bendir til að félagsstarf í hestamannafélögum eigi eftir að eflast í vetur. Stjórnir Fáks og Andvara, svo einhver félög séu nefnd, beina þeim tilmælum til fólks sem heldur hesta á svæðum félaganna að láta skrá sig í félögin og taka þátt í félagsstarfinu.Ýmislegt bendir til að félagsstarf í hestamannafélögum eigi eftir að eflast í vetur. Stjórnir Fáks og Andvara, svo einhver félög séu nefnd, beina þeim tilmælum til fólks sem heldur hesta á svæðum félaganna að láta skrá sig í félögin og taka þátt í félagsstarfinu.Ýmislegt bendir til að félagsstarf í hestamannafélögum eigi eftir að eflast í vetur. Stjórnir Fáks og Andvara, svo einhver félög séu nefnd, beina þeim tilmælum til fólks sem heldur hesta á svæðum félaganna að láta skrá sig í félögin og taka þátt í félagsstarfinu.

Svo virðist sem að kreppan í efnahagslífinu og óttinn sem gripið hefur um sig í samfélaginu í kjölfarið hafi vakið upp gamlar tengingar. Andleg og félagsleg gildi fá meiri athygli nú en í „gróðæri“ undanfarinna ára. Fólk finnur að það á greiðari aðgang hvert að öðru.

Eftirfarandi pistill frá stjórn Andvara er nú birtur á heimasíðu félagsins: www.andvari.is:

„Senn líður að því að hestamenn taki hross sín á hús og líf færist aftur í hverfið.Vonum við innilega að Andvaramenn hafi tök á því að halda ótrauðir áfram þrátt fyrir blikur á lofti í efnahagsmálum og taki hross sín á hús eftir sem áður. Heyrist okkur flestir ætla að halda sínu striki, sumir taki þó færri hross á hús. Vonandi að hestamenn gefi sér meiri tíma fyrir kaffistofuspjallið, og eða þátttöku í félagslífinu.

Stór hluti af hestamennskunni er jú einmitt félagsskapurinn og félagslífið, hvergi er meira fjör en þar sem hestamenn koma saman sér og öðrum til skemmtunar. Nú er um að gera að rífa upp félagsandann og taka virkan þátt í því sem félagið hefur upp á að bjóða.

Stjórnin stefnir að því að efla félagslífið enn meira í vetur og halda úti metnaðarfullu starfi, þar sem allir hestamenn ættu að finna eitthvað við sitt hæfi. Eitthvað á eftir að manna nefndir félagsins fyrir veturinn. Það er bæði gefandi og frábært tækifæri til að kynnast hressum félögum innan hestamennskunnar að taka þátt í félagsstörfunum. Þeir sem hefðu tíma aflögu og gætu hugsað sér að starfa í nefndum félagsins biðjum við um að senda okkur línu á netfang félagsins.

Andvaramenn stöndum saman í vetur sem aldrei fyrr og hjálpumst að við að efla félagsandann og taka þátt í því sem félagið hefur upp á að bjóða. Hvetjum við alla sem halda hross við Kjóavellina að ganga í félagið og stuðla þar að uppbyggingu á svæðinu sem og félagslífinu.“