Fréttir

Magnaðir gæðingar

,,Stefnan er aðallega tekin á gæðingakeppnina, bæði  A- og B-flokk“ segir Friðdóra Friðriksdóttir. Hún ásamt manni sínum Sindra Sigurðssyni hafa marga magnaða gæðinga í hesthúsinu. ,,Húmvar frá Hamrahóli og Spölur frá Hafsteinsstöðum fara væntanlega í B-flokkinn og svo eru það Vikar frá Torfastöðum, Sturla frá Hafsteinsstöðum og Hrannar frá Þorlákshöfn sem fara í A-flokkinn. A – flokks vængurinn er sterkur hjá okkur í ár og spennan magnast með degi hverjum“.

Uppfærsla Kappa og SportFengs

Í dag, 13.apríl 2010, kemur út ný útgáfa af Kappa (Kappi 1.7) og GagnaKappa og samtímis fer fram uppfærsla á SportFeng. Með þessari uppfærslu eru teknar í notkun fjölmargar lagfæringar og betrumbætur á hugbúnaðinum sem unnið hefur verið að á undanförnum 2 árum. Um leið og þessar uppfærslur fara fram í dag verða eldri útgáfur af Kappa ónothæfar.

Skeiðmót - úrslit

Í gær fór fram Skeiðmót Meistaradeildar VÍS, á félagssvæði Sörla í Hafnarfirði. Keppt var í 150m skeiði og gæðingaskeiði. Þetta var næst síðasta mótið í mótaröð deildarinnar en lokamótið fer fram á sumardaginn fyrsta, fimmtudaginn 22. apríl, í Ölfushöllinni en þá verður keppt í tölti og fljúgandi skeiði í gegnum höllina.

Opið íþróttamót Mána og TM

Skráning á opið íþróttamót Mána og TM (*WR ) fer fram mánudaginn 19. apríl. Skráningin fer fram í Mánahöllinni og í símum milli kl 20-22. 893-0304 (Þóra) 861-0012 (Hrönn) 848-6973 (Þórir) 695-0049 (Jóhann) 866-0054 (Bjarni) 861-2030 (Snorri) 891-9757 (Haraldur). Keppt verður í öllum flokkum og greinum ef næg þátttaka fæst.

Fáksfréttir

Æskulýðsnefnd Fáks fer í óvissuferð á laugardaginn þar sem ætlunin er að fara á nokkra skemmtilega og fróðlega staði og hafa mikið gaman af. Til þess að allir fái pláss í rútunni og nesti í ferðalaginu, biðjum við foreldra að skrá börnin sín til þátttöku með því að senda tölvupóst á netfangið fakurbogu@simnet.is fyrir kl. 18:00 á fimmtudagskvöldið kemur.

Fákar og fjör 2010

Í tengslum við Stórsýninguna Fákar og fjör þann 17. apríl næstkomandi í Top Reiter höllinni á Akureyri verður stóðhestakynning frá kl 13.00. Eigendum stóðhesta á svæðinu verður boðið að koma með þá til kynningar. Um er að ræða bæði ungfola ótamda sem og reiðfæra hesta.

Úrslit frá æskulýðsmóti Léttis og Líflands

Opna æskulýðsmót Léttis og Líflands var haldið laugardaginn 3. apríl og lukkaðist mótið val í alla staði. Börnin skemmtu sér vel og gekk mótið hratt fyrir sig. Að loknu móti fengu börnin pappíra frá dómurum um hvað má betur fara og hefur það mælst vel að afhenda krökkunum svona pappíra. Til hamingju krakkar með frábært og skemmtilegt mót.

Félag tamningamanna 40 ára

Félag tamningamanna verður 40 ára á laugardaginn kemur, þann 10. apríl en það var stofnað árið 1970 af nokkrum kappsfullum ungum tamningamönnum. Af þessu tilefni verður blásið til afmælishátíðar síðar á árinu og hefur verið skipuð undirbúningsnefnd til að vinna að málinu.

Skráning hafin á Kvennatölt Gusts og Landsbankans

Skráning á Kvennatölt Gusts og Landsbankans er hafin á vefnum www.gustarar.is og þar er að finna nánari útskýringar á því hvernig skráningin fer fram en hún stendur til miðnættis 12. apríl nk. Skrá má eins marga hesta og hver vill, en komi knapi fleiri en einum hesti í úrslit skal viðkomandi velja einn hest til úrslitakeppninnar. Skráningargjald er kr. 3.500 á hest.

Meistaradeild VÍS

Á laugardaginn verður sjötta og næst síðasta mótið í mótaröð Meistaradeildar VÍS. Þá verður keppt í gæðingaskeiði og 150m skeiði. Mótið verður haldið á félagssvæði Sörla í Hafnarfirði og hefst mótið klukkan 14:00 á 150m skeiði.