Fréttir

Ekki hætt við reiðhöll

Við erum ekki hætt við að byggja reiðhöll, síður en svo. Það hafa hins vegar orðið miklar tafir á verkinu og þolinmæði okkar var einfaldlega þrotin,“ segir Guðjón Magnússon, formaður Harðar í Mosfellsbæ. Félagið sleit nýlega verksamningi við GT bygg og stál, og leitar nú nýrra tilboða í reiðhöll.

Félagshestar fá notkun í kreppunni

„Það er fullsnemmt að spá fyrir um verð á folatollum næsta vor og sumar,“ segir Hinrik Bragason hrossabóndi og stóðhestahaldari á Árbakka. „Þótt útlitið sé ekki bjart þá ættum við nú samt að sjá til hvað veturinn ber í skauti sér. Það er aldrei að vita nema að það vori vel. En miðað við ástandið eins og það er núna þá er auðvitað ekki raunhæft að gera ráð fyrir öðru en að eftirspurnin minnki.“

Hnokki frá Fellskoti í limbói

„Það hefur engin ákvörðun verið tekin um framtíð Hnokka. Hann er ekki á leið til Danmerkur eins og er. Það er hins vegar ekkert leyndarmál að danskur aðili, Mads Jörgensen, á stærstan hlut í hestinum,“ segir Hinrik Bragason, hrossabóndi á Árbakka.

Bestu stóðhestarnir verða áfram hér heima

„Ég held að við þurfum ekkert að óttast. Það er mjög sjaldgæft að óumdeildir kynbótahestar séu seldir úr landi,“ segir Hinrik Bragason, hrossaútflytjandi, knapi og ræktunarmaður. Töluverður skjálfti hefur gripið um sig meðal hestamanna vegna aukinnar sölu á stóðhestum til útlendinga.

Pétur A. Maack formaður Andvara

Pétur A. Maack var í gærkvöldi kosinn formaður Andavara á aðalfundi félagsins. Guðjón Gunnarsson var endurkjörinn í stjórn en aðrir stjórnarmenn eru nýir. Allar starfsnefndir félagsins voru mannaðar á aðalfundinum.

Verðum að standa vörð um æskulýðs- starfið

Íþrótta- og Ólympíusamand Íslands, ÍSÍ, stóð fyrir ráðstefnu um fjármál íþróttahreyfingarinnar síðastliðinn föstudag. Þar var lagt til að sérsamböndin endurskoðuðu fjárhagsáætlanir sínar í ljósi kreppunnar. Sérstaklega var hvatt til þess að samdráttur í tekjum bitnaði ekki á æskulýðsstarfinu.

Góður andi á aðalfundi Gusts

Það var góður andi samstöðu sem sveif yfir vötnum á vel sóttum aðalfundi Gusts, sem haldinn var í gærkvöldi. Hermann Vilmundarson hlaut afgerandi kosningu í formannssætið, eða 71 atkvæði á móti 42 atkvæðum Kristínar Njálsdóttur.

Aðalfundur FT Norður

Aðalfundur Norðurdeildar Félags tamningarmanna verður haldinn miðvikudaginn 3. Desember næstkomandi kllukkan 18:30 í andyri reiðhallarinnar Svaðastaða á Sauðárkróki. Á dagskrá eru hefðbundin aðalfundastörf.

Gustur styrkir nýja heimasíðu LH

Hestamannafélagið Gustur hefur veitt Landssambandi hestamannafélaga fimmtán hundruð þúsund króna styrk til gerðar nýrrar heimasíðu samtakanna. Upphaflega var styrkurinn hugsaður fyrir kynningar- og upplýsingabækling um hestamennsku.

Aðalfundur FT 2008

Aðalfundur Félags tamningamanna verður haldinn laugardaginn 13. desember nk. í bókasafni BÍ í Bændahöllinni (Hótel Sögu) á 3. hæð.