Equsanadeildin - lið 5-8

Áhugamannadeild Spretts, Equsana deildin 2018, hefst 8. febrúar n.k. og þar með hefst fjórða keppnisárið í þessari frábæru mótaröð. 

Sextán lið mæta til keppni í vetur með samtals áttatíu knapa skráða.  Þrír knapar úr hverju liði keppa í hverri grein fyrir liðið sitt og það eru því fjörtíu og fimm knapar og hestar sem mæta í hvert mót.

Deildin hefst með keppni í fjórgangi fimmtudaginn 8. febrúar kl. 19:00. Sem fyrr er aðgangur ókeypis og fólk hvatt til að mæta í Sprettshöllina til að njóta flottra sýninga og góðra veitinga.

Dagskrá vetrarins er eftirfarandi:

• Fimmtudagur 8 febrúar – Fjórgangur
• Fimmtudagur 22 febrúar – Fimmgangur
• Fimmtudagur 8 mars – Slaktaumatölt og flugskeið í gegnum höllina
• Fimmtudagur 22 mars – Tölt – Lokamótið

Lið 5-8 sem við kynnum til leiks eru lið Geirlands/Varmalands, Hest.is, Poulsen og Snaps Kapp.