Endurmenntun

Endurmenntun/símenntun reiðkennara LH og FEIF.

Samkvæmt reglum/lögum FEIF eiga allir reiðkennarar (Trainer 1 - 4) að taka þátt í símenntunarnámskeiði sem samþykkt er af sínu landssambandi til þess að vera gildur reiðkennari á reiðkennaralista FEIF.  Frá 2021 má engin reiðkennari vera á listanum nema viðkomandi uppfylli kröfur um endurmenntun/símenntun. 

Ástæðan fyrir reglum um endurmenntun/símenntun er:

  • að viðhalda gæðum reiðkennara
  • að reiðkennarar séu uppfærðir
  • að fylgja markmiðum FEIF í þjálfun hesta, reiðkennslu og hestavelferð.
  • að sömu reglum sé fylgt milli landa
  • að tryggja sambærilegar kröfur milli landa

Lágmarkskröfur til að halda réttindum á listanum

Á þriggja ára tímabili þarf að taka þátt í a.m.k.: 

  • einu tveggja daga símenntunarnámskeiði sem er samþykkt af menntanefnd LH eða að lágmarki taka 16 símenntunareiningar (45 min) samþykktar af menntanefnd LH.

Til að endurvekja töpuð réttindi þarf að fara á eitt opinbert símenntunarnámskeið samþykkt af menntanefnd LH eða FEIF.

Kröfur til gildra símenntunarnámskeiða:

Námskeið/ráðstefnur

LH mun standa fyrir símenntunarnámskeiði árlega. 

Ef einhver vill halda námskeið/ráðstefnu sem gildir sem símenntunarnámskeið má sækja um það til menntanefndar LH. Námskeiðið verður að:

    • vera opinbert og auglýst
    • hafa þema og fræðilegan hluta (þ.e.a.s.  reiðnámskeið einungis verklegt - reiðtímar eru ekki teknir gildir)
    • hafa dagskrá sem endurspeglar innihald námskeiðsins

Sækja má um að fá námskeið/ráðstefnu metið. Krafa er um að það sé gert með góðum fyrirvara fyrir námskeiðið. Senda þarf auglýsingu um námskeiðið og upplýsingar til menntanefndar LH áður en námskeið hefst. Gott er að senda stutta rökfærslu fyrir hvernig námskeiðið mun nýtast. Dæmi um námskeið sem eru tekin gild:

    • námskeiðið hefur þema sem nýtist í reiðkennslu, og hefur dagskrá sem endurspeglar þema námskeiðsins.
    • námskeiðið er opinbert
    • gild námskeið eru einnig þau símenntunarnámskeið (CPD) sem eru auglýst af öðrum aðilum FEIF
    • gild námskeið geta einnig verið námskeið sem eru ekki innan FEIF eða Íslandshesta heimsins

Skil gagna 

Það er á ábyrgð reiðkennarans að senda gögn um símenntun sína til skrifstofu LH. Gott viðmiðið er að senda gögn í janúar fyrir árið sem var að líða. 

Árétta skal að þeir sem sækja sér ekki símenntun á þriggja ára tímabili og skila ekki gögnum þar um á réttum tíma verða teknir út af reiðkennaralista FEIF.