Skrifstofa LH verður lokuð dagana 19. - 21. apríl 2017. Opnað verður aftur mánudaginn 24. apríl kl. 9:00. Vegna áríðandi mála skal hafa samband við formann sambandsins.

Helgin 21.-22. apríl verður hlaðin hestatengdum viðburðum á Akureyri og í nærsveitum. Á föstudag kl. 14:00 verður Hulda Gústafs með sýnikennslu, frítt inn. Á föstudagskvöldinu verður stórsýningin Fákar og fjör, kl. 20:00 og kostar 3.000 kr.

Föstudaginn 14.apríl var lokakeppniskvöld KEA mótaraðarinnar í Léttishöllinni þetta árið. Keppt var í tveimur greinum Tölti T2 og flugskeiði.

Bergur Jónsson og Katla frá Ketilsstöðum voru "allra sterkasta" parið í töltkeppni kvöldsins. Þau báru sigur úr býtum með 8,61 í einkunn. Annar var Jakob Svavar Sigurðsson á Júlíu frá Hamarsey með 8,33.

Það er komið að „Þeim allra sterkustu“ í Samskipahöllinni. Húsið opnar kl. 18 í kvöld laugardaginn 15.apríl og forkeppni í tölti hefst kl. 20:00. Áætlað er að flugskeiðið verði um það bil kl. 21:45.

Sterkustu töltarar landsins munu dansa um gólfið í Samskipahöllinni á laugardagskvöldið kemur, þegar „Þeir allra sterkustu“ fer fram. Bergur og Katla – Gummi Björgvins og Straumur – Jakob Svavar og Júlía – Elin Holst og Frami – Siguroddur og Steggur – Ævar Örn og Vökull!

Líflandsmót Hestamannafélagsins Léttis verður haldið í Léttishöllinni 15. apríl.

Um sjötíu folatollar undir glæsilega stóðhesta eru komnir í pottinn á „Þeir allra sterkustu“ í Samskipahöllinni um helgina. Hver folatollur kostar aðeins kr. 30.000 og dregur kaupandinn sér umslag og fær þá að vita undir hvaða stólpagrip hann hefur hlotið folatoll á ótrúlegu verði!

Stóðhestapotturinn á „Allra sterkustu“ er fullur af fyrstu verðlauna hestum. Eigendur þeirra sýna stuðning sinn við íslenska landsliðið í verki og hafa gefið toll undir þessa glæsihesta.

Þá eru ráslistarnir fyrir tölt og flugskeið tilbúnir en keppt verður í þessum tveimur greinum á morgun í Samskipahöllinni í Spretti í Kópavogi. Keppni hefst á slaginu 19:00 með forkeppni í tölti en það er Konráð Valur Sveinsson sem ríður á vaðið.