Um áramót hafa iðulega orðið slys og óhöpp vegna ofsahræðslu dýra við flugelda og hávaðann frá þeim. Ábyrgð þeirra sem skjóta upp flugeldum er mikil, að valda ekki nálægum dýrum ótta og angist og dýraeigendur þurfa að gæta þess að dýrin fari ekki sjálfum sér eða öðrum að voða.

Landssamband hestamannafélaga óskar landsmönnum gleðilegra jóla og farsældar á komandi ári.

Nýstofnað hestamannafélag, Hestamannafélagið Kjóavöllum, býður til samkeppni um nafn á félagið. Öllum er heimil þátttaka í samkeppninni, bæði félagsmönnum og öðrum.

Það er að verða til kvikmynd um okkur! Hún heitir Hross og menn og verður leikin mynd í fullri lengd. Það má segja að hún sé fyrsta dramatíska kvikmyndin með íslenska hestinum í forgrunni.

Myndefni frá Landsmótinu í Reykjavík í sumar er nú komið út á DVD diskum. Óhætt er að segja að þar sé gæðaefni á ferð en efnið er í HD gæðum og hljóðgæðin þau bestu sem völ er á.

Þriðjudaginn 11.desember næstkomandi kl 18:00 verður kynnt skráningarkerfi hestamannafélaganna (skráningarkerfi fyrir mót / námskeið /greiðslur) í íþróttamiðstöðinni í Laugardal, Engjavegi 6.

Nú hrannast inn umsóknir um mótadaga hestamannafélaganna 2013 en frestur þeirra til að skila inn mótaskrá fyrir árið 2013 rann út þann 1. desember.