Ístölt - þeirra allra sterkustu fór fram í troðfullri Skautahöll í kvöld. Mikið var um flottar sýningar og fólkið á pöllunum tók þátt í að gera kvöldið frábært.

Nú er glæsilegri skrúðreið um miðbæ Reykjavíkur lokið. Skrúðreiðin fór vel fram og vakti að venju mikla athygli.

Tveir síðustu stóðhestarnir sem kynntir verða á Ístölti þeirra allra sterkustu koma hér. Þetta eru stórættaðir hestar og hafa vakið mikla athygli báðir tveir.

Það er gaman að sjá stóðhesta í öðruvísi aðstæðum, eins og til dæmis á ís. Áhorfendur Ístöltsins á laugardagskvöldið kemur fá að sjá átta glæsilega stóðhesta dansa á svellinu í Skautahöllinni í Laugardal. Á mánudaginn var, voru þrír kynntir til leiks, þeir Ölnir frá Akranesi, Pistill frá Litlu-Brekku og Daggar frá Einhamri.

Miðsalan hófst með látum í dag og ljóst er að mikil spenna er fyrir laugardagskvöldinu í Skautahöllinni í Laugardalnum. Miðar fást í Líflandi Lynghálsi, Top Reiter Ögurhvarfi og í verslun Baldvins og Þorvaldar á Selfossi. Miðinn kostar kr. 3.500 og jafnframt er hægt að taka snúning með lukkudísunum því happdrættismiðar eru einnig til sölu á kr. 1.000 stk.

Æskulýðsnefnd LH auglýsir eftir umsóknum á FEIF Youth Cup sem haldið verður dagana 11. – 20. júlí 2014 að Hólum í Hjaltadal. Heimasíðan www.lhhestar.is/is/youth-cup-2014 er upplýsingasíða mótsins.

Stóðhestakynningin á Ístöltinu er alltaf spennandi dagskrárliður þessa glæsilega kvölds og hestamenn geta farið að láta sér hlakka til laugardagskvöldsins 5. apríl n.k. Um átta stóðhestar mæta í Laugardalinn ásamt knöpum sínum og sýna hrossaræktendum kosti sína á svellinu.

Nú þegar vika er í Ístölt þeirra allra sterkustu eru línur aðeins farnar að skýrast varðandi hestakost knapa. Áhorfendur verða ekki sviknir af þeirri töltveislu sem framundan er og við munum næstu daga kynna keppendur til leiks.

Vesturlandssýning í Faxaborg Borgarnesi laugardaginn 29. mars 2014 – kl. 20:00.
 Fulltrúar hestamannafélaga á Vesturlandi og Hrossaræktarsambands Vesturlands efna til sýningar. Aðganseyrir: 13 ára og yngri 1.000 kr. og 14 ára og eldri 2.500 kr.

Úrtaka fyrir þá Allra sterkustu fór fram í Skautahöllinni á laugardagskvöldið var. Alls voru það 22 knapar sem freistuðu þess að næla sér í sæti á Ístöltinu þann 5. apríl n.k. Vitanlega var einungis riðin forkeppni og gekk þetta litla mót afar vel í Laugardalnum.