Tryggið ykkur miða í stóðhestaveltu landsliðsins.

Miðasala í stóðhestaveltu landsliðsins hefst kl. 10.00, föstudaginn 5. maí í vefverslun LH. Ríflega 100 hátt dæmdir stóðhestar eru í pottinum og eru jafn margir miðar til sölu og tollarnir eru margir. 

Stóðhestaveltan er ein mikilvægasta fjáröflun landsliðs Íslands í hestaíþróttum sem heldur til Hollands á Heimsmeistaramót í ágúst. 

Landssamband hestamannafélaga og landslið Íslands í hestaíþróttum þakka stóðhesteigendum stuðninginn. Landsliðsnefnd hefur lagt nótt við dag undanfarnar vikur við að hafa samband við eigendur hestanna og mættu hvarvetna frábærum móttökum og velvilja. Hjartans þakkir.

Sjaldan hafa verið jafn sterkir hestar í pottinum og er rétt um helmingur hestanna með 8,50 eða hærra í aðaleinkunn.

Sjá heildarlista stóðhesta hér.
Tryggið ykkur miða í stóðahestaveltunni og toll undir einn af bestu stóðhestum landsins.