Varnarsigur í útflutningi hrossa

Lækkandi gengi krónunnar hefur ekki orðið til þess að auka sölu á hrossum til útlanda samkvæmt útflutningstölum. Samkvæmt upplýsingum frá Bændasamtökum Íslands hafa verið flutt út 932 hross það sem af er árinu. Á sama tíma í fyrra höfðu verið flutt út 1078 hross. Útflutningurinn hefur því dregist saman um 146 hross, eða 13,5%.Lækkandi gengi krónunnar hefur ekki orðið til þess að auka sölu á hrossum til útlanda samkvæmt útflutningstölum. Samkvæmt upplýsingum frá Bændasamtökum Íslands hafa verið flutt út 932 hross það sem af er árinu. Á sama tíma í fyrra höfðu verið flutt út 1078 hross. Útflutningurinn hefur því dregist saman um 146 hross, eða 13,5%.Lækkandi gengi krónunnar hefur ekki orðið til þess að auka sölu á hrossum til útlanda samkvæmt útflutningstölum. Samkvæmt upplýsingum frá Bændasamtökum Íslands hafa verið flutt út 932 hross það sem af er árinu. Á sama tíma í fyrra höfðu verið flutt út 1078 hross. Útflutningurinn hefur því dregist saman um 146 hross, eða 13,5%.

Gunnar Arnarson, stærsti hrossaútflytjandi landsins, segir að þessar tölur segi þó ekki alla söguna. Tregða hafi verið í útflutningnum í ágúst og september vegna færri flugferða. Töluverð uppsöfnun hafi því orðið á hrossum sem bíði útflutnings.
„Það eru um 300 hross sem bíða útflutnings. Á allra næstu vikum fara fimm stórar vélar með hross til útlanda og það mun væntanlega breyta þessum hlutföllum til batnaðar. Það er í rauninni ótrúlegt hvað hrossasalan hefur haldist miðað við efnahagsástandið og umræðuna. Það má í raun segja að það sé stórsigur fyrir greinina að ekki hafi orðið stórfelldur samdráttur í sölu við þessar aðstæður,“ segir Gunnar.

Hulda Gústafsdóttir, hrossaútflytjandi, tekur í sama streng. Hún segir að töluverð eftirspurn sé eftir góðum hrossum, en framboðið á lakari hrossum hafi einnig aukist mikið.
„Það hefur verið allgóður kippur undanfarnar vikur, einkum utanlands frá, en það er líka sala í góðum hrossum hér innanlands. Helsta breytingin er kannski sú að framboð á hrossum hér heima hefur aukist mikið. Og þá erum við að tala um lakari hross sem fólk er að reyna að losa sig við. Við höfum fundið fyrir því upp á síðkastið að útlendingar eru að þreifa á kaupum með tilliti til gengismunar. Hlutirnir gerast hins vegar hratt núna í efnahagsmálunum, þannig að það er ekki gott að segja hvert framhaldið verður,“ segir Hulda.